ەلەنا رىباكينا قازاقستان قۇراماسىنا قاتىستى ماڭىزدى مالىمدەمە جاسادى

قازاقستاندىق تەننيسشى بۇل شەشىمىن ماۋسىمنىڭ سوڭعى كەزەڭىندەگى جوعارى قارقىننان كەيىن اعزاسىنا دەمالىس كەرەكتىگىن، ءوزىن قالپىنا كەلتىرۋ قاجەتتىلىگى بارىن ءتۇسىندىردى. وتكەن اپتادا رىباكينا US Open-2026 تۋرنيرىنىڭ جەڭىمپازى اتانسا، وعان دەيىن تسينتسينناتي جارىسىندا جاراقات العان بولاتىن.

- بارشاڭىزعا سالەم! بيىل بيللي دجين كينگ كۋبوگىندە ونەر كورسەتە المايتىنىمدى وكىنىشپەن حابارلايمىن. شىنجىندەگى تۋرنيرگە قاتىسا المايتىنىما قىنجىلىپ وتىرمىن. بۇل - تاماشا جانكۇيەرلەرى بار كەرەمەت جەر. سوڭعى ءبىر اي مەن ءۇشىن وتە اۋىر بولدى. سوندىقتان قازىر تولىق قالپىما كەلىپ، قايتادان وڭتايلى فيزيكالىق جاعدايعا ءتۇسۋىم كەرەك. وسىلايشا جارىس جولىنا جاقسى دايىندىقپەن ورالعىم كەلەدى. قىزدارعا ساتتىلىك تىلەيمىن! العا! - دەپ جازدى رىباكينا Instagram Stories پاراقشاسىندا.

ەسكە سالا كەتەيىك، Billie Jean King Cup تۋرنيرىنىڭ فينالدىق كەزەڭى 22-27-قىركۇيەك ارالىعىندا قىتايدىڭ شىنجىن قالاسىنداعى Shenzhen Bay Sports Centre ارەناسىندا وتەدى. 23-قىركۇيەكتە قازاقستان قۇراماسى يسپانيامەن كەزدەسەدى.

ەلەنا رىباكينا - WTA رەيتينگىندە الەمنىڭ بىرىنشى راكەتكاسى اتانعان قازاقستاننىڭ تاريحتاعى تۇڭعىش وكىلى. US Open-2026 تۋرنيرىندەگى جەڭىسىنەن كەيىن ول رەسمي تۇردە الەمدىك رەيتينگتىڭ كوشىن باستادى.

ەسكە سالا كەتەيىك، ەلەنا رىباكينا US Open-2026 تۋرنيرىندەگى ءساتتى ونەرىنەن كەيىن الەمدىك رەيتينگتە ءبىرىنشى ورىنعا كوتەرىلدى.

ول الەمنىڭ ءبىرىنشى راكەتكاسى رەتىندە ارنايى جۇلدە الدى.

ەلەنا تەننيسشىلەر اراسىندا ءبىرىنشى بولىپ 2026-جىلعى WTA قورىتىندى تۋرنيرىنە قاتىسۋعا كەپىلدىك الدى.

ارتىنشا تەننيسشى كاسىبي سپورتشى رەتىندە قالىپتاسۋىنا قولداۋ بولعان قازاقستانعا، بارشا جانكۇيەرلەرىنە العىس ايتقان بولاتىن.