ەل-نينو دۇنيەجۇزىلىك مۇحيتتىڭ رەكوردتىق دەڭگەيدە جىلىنۋىنا سەبەپ بولدى

بەلتا-نىڭ France 24 باسىلىمىنا سىلتەمە جاساپ حابارلاۋىنشا، ءتيىستى دەرەكتەردى ەۋروپانىڭ Copernicus كليماتتىق مونيتورينگ قىزمەتى ۇسىنعان.

قىركۇيەكتە دۇنيەجۇزىلىك مۇحيت بەتىنىڭ ورتاشا تەمپەراتۋراسى سەلسي بويىنشا 21,05 گرادۋس بولدى. بۇل 2023-جىلى تىركەلگەن الدىڭعى قىركۇيەك رەكوردىنان جوعارى. سول كەزدە كورسەتكىش 20,92 گرادۋسقا جەتكەن ەدى.

مەتەورولوگتار رەكوردتىق جىلىنۋدىڭ نەگىزگى سەبەبى رەتىندە 2026-جىلى قارقىندىلىعى جوعارى بولعان ەل-نينو تابيعي كليماتتىق قۇبىلىسىنىڭ كۇشەيۋىن اتايدى.

سينوپتيكتەر بىرنەشە ايدان بەرى بيىلعى ەل-نينو باقىلاۋ تاريحىنداعى ەڭ كۇشتى قۇبىلىسقا اينالۋى مۇمكىن ەكەنىن ەسكەرتىپ كەلەدى.

Copernicus باعالاۋىنشا، قىركۇيەكتەگى كورسەتكىشتەر قۇبىلىستىڭ شارىقتاۋ شەگىنە ءالى جەتپەگەنىنە قاراماستان، ەل-نينونىڭ اسا كۇشتى ەكەنىن كورسەتەدى.

ەل-نينو تىنىق مۇحيتىنىڭ ەكۆاتورلىق بولىگىندەگى جەرۇستى سۋلارى تەمپەراتۋراسىنىڭ جوعارىلاۋىمەن بايلانىستى جانە الەمنىڭ ءارتۇرلى وڭىرلەرىندەگى اۋا رايىنا اسەر ەتەدى. بۇل قۇبىلىس قۇرعاقشىلىق پەن سۋ تاسقىنى قاۋپىن ارتتىرىپ، انتروپوگەندىك جاھاندىق جىلىنۋدىڭ اسەرىن كۇشەيتۋى مۇمكىن.

بۇعان دەيىن ەل-نينو كليماتتىق قۇبىلىسى كۇشەيە بەرەتىنى جانە بولجام بويىنشا 2026-جىلعى جەلتوقساندا شارىقتاۋ شەگىنە جەتەتىنى حابارلانعان بولاتىن.