ەل وڭىرلەرىندە قازاق كينوسىنىڭ كۇندەرى باستالدى

استانا. KAZINFORM - اتالعان ءىس- شارا اياسىندا كورەرمەندەر قازاقستان مادەنيەت جانە اقپارات مينيسترلىگى مەن ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن فيلمدەرمەن تانىسا الادى.

кино
Фото: Мәдениет және ақпарат министрлігі

كينو كورسەتىلىمدەرى قاراعاندى قالاسىنان باستالدى. الداعى ۋاقىتتا باسقا دا قالالار مەن اۋىلدىق ەلدى مەكەندەردى قامتيدى.

مادەنيەت جانە اقپارات مينيسترلىگىنىڭ باسپا ءسوز قىزمەتى مالىمەتىنشە، باستامانىڭ ماقساتى - قازاقستاندىق كينەماتوگرافتى ناسيحاتتاۋ جانە كەڭ اۋديتورياعا وتاندىق رەجيسسەرلەردىڭ تۋىندىلارىن تاماشالاۋ مۇمكىندىگىن ۇسىنۋ. اسىرەسە، اۋىل تۇرعىندارىنىڭ قاتىسۋىنا ەرەكشە نازار اۋدارىلدى. وسىلايشا، ولارعا قازىرگى قازاق كينوسىنىڭ ۇزدىك شىعارمالارىن كورۋگە مۇمكىندىك بەرىلدى.

باعدارلامادا ەلىمىزدىڭ مادەني ەرەكشەلىكتەرى مەن وزەكتى ماسەلەلەرىن ارقاۋ ەتكەن ءارتۇرلى جانرداعى فيلمدەر ۇسىنىلادى. ولاردىڭ قاتارىندا «جامبىل. جاڭا ءداۋىر»، «دوس- مۇقاسان»، «وپەراتسيا نابات»، «ۆرەميا پاتريوتوۆ» جانە باسقا دا كارتينالار بار.

В регионах стартовали Дни казахского кино
Фото: Министерство культуры и информации РК

ءار فيلمنىڭ وزىندىك تەرەڭ ماعىناسى بار جانە ءتۇرلى جاستاعى كورەرمەندەرگە ارنالعان. سونداي- اق، كىشكەنتاي كورەرمەندەر ءۇشىن «تايقازان» انيماتسيالىق فيلمى كورسەتىلەدى.

ايتا كەتەيىك، بيىل وننان استام جاڭا وتاندىق فيلمنىڭ شىعۋى جوسپارلانعان. بۇل ءسوزسىز، قازاقستاندىق كينو ونەرىنىڭ جانكۇيەرلەرى ءۇشىن قۋانىشتى جاڭالىق.

تولىق اقپاراتپەن كينو ورتالىعىنىڭ رەسمي سايتىنان تانىسۋعا بولادى.

ايتا كەتەيىك، بيىل 10 جاڭا فيلم پروكاتقا شىعادى.

سوڭعى جاڭالىقتار