ەل وڭىرلەرىندە اۆتوكولىكتى تەحنيكالىق بايقاۋدان وتكىزۋ قانشا تۇرادى
استانا. KAZINFORM - ەلىمىزدە 7 جىلدان جوعارى جۇرگەن اۆتوكولىكتى تەحنيكالىق بايقاۋدان وتكىزۋ كەرەك. وسى ورايدا Kazinform اگەنتتىگى تەحنيكالىق بايقاۋدان وتكىزۋدىڭ ەرەجەلەرى مەن كەزەڭى جانە باعاسىنا شولۋ جاساعان ەدى.
ەرەجەلەر، مەرزىم جانە ايىپپۇل
دياگنوستيكالىق كارتا بەرىلەتىن تەحنيكالىق بايقاۋ - قازاقستان اۋماعىندا تىركەلگەن بارلىق اۆتوكولىك قۇرالدارى ءۇشىن مىندەتتى. بۇل تەكسەرۋ جالپىعا ورتاق پايدالانىلاتىن جولدارداعى قاۋىپسىزدىكتى قامتاماسىز ەتۋ ءۇشىن قاجەت.
سونىمەن قاتار، شەتەلدىك مەحانيكالىق كولىكتەر مەن تىركەمەلەر دە «جول قوزعالىسى تۋرالى» زاڭنىڭ 88-بابىنا سايكەس تەكسەرۋدەن ءوتۋى كەرەك.
جەتى جىلدان اسقان (شىعارىلعان جىلىن قوسا العاندا) كاسىپكەرلىك ءۇشىن پايدالانىلمايتىن جەڭىل جەكە اۆتوكولىكتەردى ءار 12 اي سايىن تەحنيكالىق بايقاۋدان وتكىزۋ مىندەتتى.
جەڭىل اۆتوموبيلدەر م1 ساناتىنا جاتادى - بۇل جولاۋشىلاردى تاسىمالدايتىن جانە جۇرگىزۋشى ورنىنان باسقا، 8 ورىننان اسپايتىن اۆتوموبيلدەر.
بيىل 2016-جىلعى اۆتوموبيلدەر تەحنيكالىق باقىلاۋعا جاتادى.
«12 اي» ەرەجەسى قاۋىپتى جۇكتەردى تاسىمالداۋعا ارنالعان جانە جابدىقتالعان كولىكتەردى قوسپاعاندا، N1-3, O1-4, L1-7, G ساناتىنداعى اۆتوموبيلدەرگە، ارنايى جانە مامانداندىرىلعان كولىكتەرگە دە قاتىستى.
ال اۆتوموبيل سالاسىنداعى كاسىپكەرلىك قىزمەتتە پايدالانىلاتىن M1 ساناتتاعى، م2، م3، N ساناتتاعى، ادامداردى تاسىمالداۋ ءۇشىن جابدىقتالعان، سونداي-اق قاۋىپتى جۇكتەردى تاسىمالداۋعا ارنالعان جانە جابدىقتالعان M1، N1-3، جانە O1-4 ساناتتارىنداعى كولىك قۇرالدارى 6 اي سايىن تەحنيكالىق بايقاۋدان ءوتۋى ءتيىس.
تەحنيكالىق بايقاۋدان ءوتۋ مەرزىمىن ءبىرىڭعاي اقپاراتتىق جۇيەسىنىڭ سايتى ارقىلى تەكسەرۋگە بولادى.
مەملەكەتتىك نەمەسە مىندەتتى تەحنيكالىق بايقاۋدان وتپەگەن كولىك قۇرالىن باسقارعانى ءۇشىن ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 590-بابىنا سايكەس 5 ا ە ك (2024-جىلى 18460 تەڭگە) مولشەرىندە ايىپپۇل تولەۋگە تۋرا كەلەدى. ەگەر ايىپپۇل سالىنعاننان كەيىن ءبىر جىل ىشىندە قۇقىق بۇزۋشىلىق تۇزەتىلمەسە، وندا ايىپپۇل 20 ا ە ك- كە وسەدى.
پروتسەدۋرانىڭ ءوزى نەبارى 15 مينۋتتى الادى. ءار قالادا بىرنەشە تەحنيكالىق ورتالىق نۇكتەلەرى بار.
سونىمەن قاتار، «تەحنيكالىق تەكسەرۋدىڭ دياگنوستيكالىق كارتاسى» سيفرلاندىرىلعان جانە EgovMobile-داعى جەكە كابينەتتە ساقتالادى. ساندىق قۇجات تەكسەرۋشى ورگانداردىڭ دەرەكقورىندا ساقتالادى جانە ونى ونلاين رەجيمدە تەكسەرۋ مۇمكىندىگى بار.
شەتەلدىك نومىرلەرى بار اۆتوموبيلدەر ءۇشىن قازاقستان اۋماعىنا كىرگەن ساتتەن باستاپ كەتكەنگە دەيىن 90 كۇننەن ارتىق بولسا، مىندەتتى تۇردە تەحنيكالىق بايقاۋ جۇرگىزىلەدى. شەتەلدىك اۆتوكولىكتەر ءۇشىن قازاقستاندا 1815 تەحنيكالىق قىزمەت كورسەتۋ ورتالىعى جۇمىس ىستەيدى.
قانداي قۇجاتتار قاجەت؟
مىندەتتى تەحنيكالىق بايقاۋدان ءوتۋ ءۇشىن اۆتو يەسى تەحنيكالىق بايقاۋ وپەراتورىنا اۆتوكولىگى مەن ونىڭ مەملەكەتتىك تىركەۋ تۋرالى كۋالىكتى كورسەتۋى ءتيىس. سالىق، ساقتاندىرۋ جانە تەحنيكالىق ءتولقۇجات سياقتى قالعان دەرەكتەردى جالپى بازا ارقىلى باقىلاۋعا بولادى، باستىسى - مەملەكەتتىك ءنومىردىڭ بولۋى جانە ونىڭ تەحنيكالىق پاسپورتقا سايكەستىگى.
اۆتوكولىكتى تەكسەرۋ تىزىمىنە نە كىرەدى
كەلەسى پارامەترلەردى تەكسەرىڭىز:
- تەجەگىشتى باسقارۋ
- ءرۋلدى باسقارۋ
- اينەكتىڭ كورىنىسى
- سىرتقى جارىقتاندىرۋ قۇرىلعىلارى
- دوڭگەلەكتەر، شينالار، اسپا
- گازداعى زياندى زاتتاردىڭ مولشەرى
- شاسسي توراپتارى مەن اگرەگاتتارىنىڭ بەكىتپەلەرىنىڭ جاي-كۇيى مەن جۇمىس ىستەۋى
- باسقا دا جابدىقتاردىڭ جاي- كۇيى مەن جۇمىس ىستەۋى (قاۋىپسىزدىك بەلدىكتەرى، سپيدومەتر، العاشقى كومەك قوبديشاسى، ءورت سوندىرگىش جانە ت. ب. ).
تەحنيكالىق قىزمەت كورسەتۋ ورتالىقتارىنداعى باعا 3000 تەڭگەدەن 7000 مىڭ تەڭگەگە دەيىن بارادى.
تومەندەگى ينفوگرافيكادان وڭىرلەرىندەگى ورتاشا باعانى كەلتىردىك.
