ەلدە سالىنىپ جاتقان ءۇش اۋەجايدىڭ قۇنى بەلگىلى بولدى

ۆيتسە-پرەمەردىڭ ايتۋىنشا، مەملەكەت باسشىسىنىڭ تىكەلەي تاپسىرماسىمەن شىعىس قازاقستان وبلىسىنىڭ زايسان جانە كاتونقاراعاي اۋداندارىندا جانە ماڭعىستاۋ وبلىسىنىڭ كەندىرلى ايماعىندا جاڭا اۋەجايلار سالىنىپ جاتىر.

- بۇل اۋەجايلاردىڭ قۇرىلىسى 2024 -جىلى باستالدى. زايسانداعى اۋەجاي قۇرىلىسىنا شامامەن 68 ميلليارد تەڭگە، كەندىرلىدەگى اۋەجايعا - 69 ميلليارد تەڭگە، ال كاتونقاراعايداعى اۋەجايعا - 89 ميلليارد تەڭگە قاراستىرىلعان، - دەدى نۇرلىبەك نالىبايەۆ.

ۆيتسە-پرەمەر قۇرىلىس الاڭدارىنا ءوزى بارىپ، جۇمىس بارىسىمەن تانىسقانىن اتاپ ءوتتى. قازىر نىسانداردىڭ قۇرىلىسى وبلىس اكىمدەرى كۇندەلىكتى باقىلاپ وتىر.

- جىل سوڭىنا دەيىن زايسان اۋدانىنداعى اۋەجاي قۇرىلىسىن تولىق اياقتايمىز. قاتونقاراعايداعى اۋەجايدى كەلەر جىلدىڭ اقپان ايىندا حالىق يگىلىگىنە بەرۋدى جوسپارلاپ وتىرمىز. كەندىرلىدەگى اۋەجاي قۇرىلىسىن دا بيىل جىل سوڭىنا دەيىن اياقتاپ، پايدالانۋعا بەرەمىز، - دەيدى سپيكەر.

سونىمەن بىرگە نالىبايەۆ قۇرىلىس جۇمىستارى بىتكەن سوڭ، قاجەتتى قۇجاتتاردى راسىمدەپ، ءتيىستى ليتسەنزيالار الۋ كەرەكتىگىن ايتتى.

وسىعان بايلانىستى جاڭا اۋەجايلار جولاۋشىلار مەن اۋە كەمەلەرىنە 2027 -جىلدىڭ ءبىرىنشى جارتىجىلدىعىندا قىزمەت كورسەتە باستايدى.