استاناداعى ل ر ت قاشان ىسكە قوسىلادى
استانا. قازاقپارات - LRT ۆاگوندارىنىڭ اليۋميني قورىتپاسىنان جاسالعان كورپۋس ەلەمەنتتەرىن دايىنداۋ جانە دانەكەرلەۋ جۇمىستارى باستالدى. بۇل تۋرالى ەلوردانىڭ «City Transportation Systems» ج ش س باسپا ءسوز قىزمەتى حابارلايدى.
العاشقى جىلجىمالى ۆاگوندار مامىر ايىنىڭ سوڭىنا دەيىن دايىن بولادى، قىركۇيەكتە العاشقى پويىزدار جەتكىزىلىپ، سىناقتان وتكىزىلەدى. قىتايدىڭ تاڭشان قالاسىندا ەلوردادا سالىنىپ جاتقان LRT العاشقى جىلجىمالى قۇرامدارىن قۇراستىرۋ جۇمىستارى جۇرگىزىلىپ جاتىر.
- تەستىلىك پايدالانۋ نەمەسە تەستىلىك ىسكە قوسۋ - پايدالانۋعا بەرۋدىڭ ماڭىزدى كەزەڭى. بۇل كەزەڭدە بارلىق ينفراقۇرىلىم ەلەمەنتتەرى، جىلجىمالى قۇرام جانە بارلىق جابدىق تەكسەرىلەدى، سونىڭ ىشىندە رەلستەردىڭ بۇتىندىگى، ەلەكترمەن جابدىقتاۋ جۇيەسى، تەلەكوممۋنيكاتسيا جۇيەلەرى تولىق زەرتتەلەدى. سىناقتار بارىسىندا ۇلكەن كولەمدە دەرەكتەر جينالىپ، تالدانادى، ونىڭ ناتيجەسى بويىنشا LRT جۇيەسىن پايدالانۋعا بەرۋ تۋرالى شەشىم قابىلدانادى. العاشقى تەستىلىك ىسكە قوسۋ وسى جىلدىڭ قىركۇيەك ايىنا جوسپارلانعان، بۇل سىناقتار بىرنەشە ايعا سوزىلادى، - دەپ ءتۇسىندىردى «City Transportation Systems» ج ش س باسقارۋشى ديرەكتورى ورىنباسار اعىبايەۆ.
جولاۋشىلار لەگىن تالداۋ دەرەكتەرى بويىنشا LRT جىلجىمالى قۇرامدارى تاۋلىگىنە 25 مىڭ جولاۋشىنى تاسىمالدايدى دەپ جوسپارلانعان.
- استانا كليماتىنىڭ ەرەكشەلىگىن ەسكەرە كەلە، الدىڭعى تەرەزەسى تەمپەراتۋرانى رەتتەيتىن ەلەكترلى جىلىتۋ جۇيەسىمەن جابدىقتالعان. بۇل كەنەتتەن بولاتىن تەمپەراتۋرا وزگەرىستەرىندە اينەكتىڭ بۋلانۋىنىڭ الدىن الادى. كونديتسيونەر قوندىرعىسىنىڭ قۋاتى 35 ك ۆت (سالقىنداتۋ قۋاتى)، - دەلىنگەن حابارلامادا.
اۆتوماتتاندىرۋدىڭ جوعارى دەڭگەيى جانە سىيىمدىلىعى
ۇزىندىعى 60 مەترلىك جىلجىمالى قۇرامدار GOA 4 دەڭگەيىندەگى اۆتوماتتاندىرىلعان باعدارلامالىق- اپپاراتتىق كەشەنمەن جابدىقتالادى، ول كەلەسى فۋنكتسيالاردى قامتاماسىز ەتەدى:
• ەسىكتەردى اۆتوماتتى تۇردە اشۋ جانە جابۋ؛
• توقتاۋ جانە جىلدامداتۋ؛
• دەپوعا كىرۋ جانە شىعۋ؛
• قۇرامداردىڭ جاعدايىن باقىلاۋ؛
• پويىزدار اراسىنداعى قاشىقتىقتى رەتتەۋ؛
• وپەراتوردىڭ (ماشينيس) قاتىسۋىنسىز باسقا فۋنكتسيالاردى ورىنداۋ.
ءتورت سەكتسيالى قۇرامدار تولىق جۇكتەلگەندە (6 ادام/شارشى مەتر) 600-دەن استام جولاۋشىنى سىيدىرا الادى.
جولاۋشىلاردىڭ جايلىلىعى مەن قاۋىپسىزدىگى
• سالونداردا بەرىكتىگى جوعارى ماتەريالدار، سونىڭ ىشىندە ورگانوسيليكاتتى بىلعارى جانە شىنى تالشىقتى كومپوزيت قولدانىلادى، بۇل جولاۋشىلارعا جايلىلىقتى ارتتىرادى.
شۋدى ازايتۋ ءۇشىن كەلەسى تەحنولوگيالار قولدانىلادى:
• قالىڭداتىلعان تەرەزەلەر جانە شۋدى باسەڭدەتۋ ەلەمەنتتەرى؛
• ديامەترى ۇلكەيتىلگەن دوڭگەلەكتەر.
قۇرامدار زاماناۋي اقپاراتتاندىرۋ جۇيەلەرمەن جابدىقتالادى:
• سىرتقى جانە ىشكى ەلەكتروندى تابلولار؛
• LCD- مونيتورلار، ولار قوزعالىس باعىتىن، سوڭعى جانە كەلەسى ستانسيالاردى، ەسىكتەردىڭ اشىلۋ جاعىن جانە شۇعىل اقپاراتتى كورسەتەدى.
تەحنيكالىق سيپاتتامالارى جانە جەتكىزۋ مەرزىمى:
• قۋاتى - 1722 ك ۆت؛
• ەڭ جوعارى جىلدامدىق - 80 ك م/ساع؛
• تولىق اۆتوماتتاندىرۋ جانە وپەراتورلاردىڭ تۇراقتى باقىلاۋىمەن جۇرگىزىلەتىن پيلوتسىز باسقارۋ جۇيەسى.
ايتا كەتسەك، جىل باسىندا ەلوردا اكىمى جەڭىس قاسىمبەك LRT قۇرىلىسىنىڭ اياقتالۋعا جاقىن قالعانىن ايتقان ەدى.
اۆتور
داۋلەت ىزتىلەۋ
