ەلگە گۇلدى قاي ەلدەردەن يمپورتتايدى

استانا. KAZINFORM - بىلتىرعى قاڭتار-جەلتوقسان ارالىعىندا قازاقستان جالپى سوماسى 93,5 ميلليون ا ق ش دوللارىنا 12,3 مىڭ توننا كەسىلگەن گۇل مەن گۇل تۇينەگىن يمپورتتادى. بۇل تۋرالى ۇلتتىق ستاتيستيكا بيۋروسى حابارلادى.

سالىستىرىپ وتسەك، 2023 -جىلى گۇل يمپورتى اقشالاي ماندە 61,2 ميلليون دوللار بولعان (8,2 مىڭ توننا) .

بىلتىر گۇلدەر الەمنىڭ 53 ەلىنەن، نەگىزىنەن ەۋروپا، وڭتۇستىك امەريكا جانە افريكا ەلدەرىنەن اكەلىنگەن.

2024 -جىلى گۇلدەردىڭ ەڭ ءىرى جەتكىزۋشىلەرى: ەكۆادور - 6,4 مىڭ توننا، نيدەرلاند - 2,3 مىڭ توننا، قىتاي - 1,1 مىڭ توننا، كولۋمبيا - 978 توننا جانە كەنيا - 975 توننا بولدى.

اتالعان كەزەڭدە قازاقستان ت م د ەلدەرىنە گۇل شوقتارىن جاساۋعا ارنالعان 1,5 مىڭ توننا كەسىلگەن گۇل مەن گۇل تۇينەگىن ەكسپورتتاعان.

ايتا كەتەيىك الماتى مەن شىمكەنتتە بايشەشەك گۇلدەپ جاتقانى تۋرالى جازعان ەدىك.