ەل ەكونوميكاسى 2024 -جىلى كەمىندە 5,3 پايىز دەڭگەيىندە وسەدى - ۇكىمەت
استانا. KAZINFORM - ۇكىمەت 2024 -جىلى ەل ەكونوميكاسى كەمىندە 5,3 پايىز دەڭگەيىندە وسەدى دەپ بولجاپ وتىر.
وتكەن جىلدىڭ قورىتىندىسىنا سايكەس ەل ەكونوميكاسى جاڭا جاعدايلارعا بەيىمدەلىپ، ورنىقتى دامۋ جولىنا ءتۇستى. قابىلدانعان شارالار ناتيجەسىندە ەكونوميكانىڭ ءوسىمى 5,1 پايىزدى قۇرادى.
نەگىزگى سالالاردىڭ بارلىعى وڭ ديناميكا كورسەتتى: قۇرىلىستا - 13,3 پايىز، ساۋدادا - 11,3 پايىز، اقپارات جانە بايلانىس قىزمەتتەرى - 7,1 پايىز، كولىك قىزمەتى - 6,9 پايىز، ونەركاسىپ - 4,3 پايىز.
نەگىزگى كاپيتالعا سالىنعان ينۆەستيسيا 13,7 پايىزعا ءوستى. بۇل رەتتە 2023 -جىلدىڭ 9 ايىندا تىكەلەي شەتەلدىك ينۆەستيسيا (ت ش ي) كولەمى $19,7 ميللياردتى قۇرادى. ونىڭ ىشىندە $11 ميللياردتان استامى شيكىزاتتىق ەمەس سەكتورلارعا باعىتتالعان. جالپى 2 جىل قاتارىنان ت ش ي كورسەتكىشتەرى سوڭعى ونجىلدىقتاعى ەڭ جوعارى كورسەتكىشتەردىڭ بىرىنە اينالدى - ولاردىڭ جىلدىق كولەمى $26-28 ميلليارد دەڭگەيىندە. قازاقستان ت م د ەلدەرى اراسىندا شەتەلدىك ينۆەستيسيالاردىڭ جالپى اعىنى بويىنشا كوش باستاپ تۇر.
2023 -جىلدىڭ 11 ايىندا سىرتقى ساۋدا اينالىمى 2,2 پايىزعا ءوسىپ، $126 ميللياردتى قۇرادى. وڭ ساۋدا بالانسى $16 ميللياردتان استى. شيكىزاتتىق ەمەس ەكسپورت نومەنكلاتۋراسى 141 پوزيتسياعا ءوستى.
ەلىمىزدىڭ حالىقارالىق رەزەرۆتەرى $96 ميللياردتى قۇرادى، ونىڭ ىشىندە ۇلتتىق قوردىڭ اكتيۆتەرى $4 ميللياردقا ءوسىپ، $60 ميللياردتان استى. حالىقارالىق رەيتينگتىك اگەنتتىكتەر قازاقستان ەكونوميكاسىنىڭ تاۋەلسىز رەيتينگى مەن ينۆەستيسيالىق سەنىمدىلىگىن راستادى.
ۇكىمەت ۇلتتىق بانكپەن جانە جەرگىلىكتى اتقارۋشى ورگاندارمەن بىرلەسىپ ينفلياتسيانى باقىلاۋ جانە تومەندەتۋ جونىندەگى كەشەندى شارالاردى ىسكە اسىرۋدا. ناتيجەسىندە وتكەن جىلى ول 2 ەسەدەن استام تومەندەپ، 9,8 پايىزدى قۇرادى. 2024 -جىلى ينفلياتسيانى 6-8 پايىز دەڭگەيىندە ۇستاۋ مىندەتى قويىلدى.
2024 -جىلدىڭ قورىتىندىسى بويىنشا ەكونوميكانىڭ ءوسۋى 5,3 پايىزدان كەم بولماۋى ءتيىس.
ۇكىمەت مەملەكەت باسشىسىنىڭ سايلاۋالدى باعدارلاماسى مەن قازاقستان حالقىنا جولداۋلارىندا بەلگىلەنگەن مىندەتتەردى ىسكە اسىرۋدى جالعاستىرۋدا. اتالعان جۇمىس ەكونوميكانى بەلسەندى ءارتاراپتاندىرۋعا، كاسىپكەرلىكتى دامىتۋعا، ينۆەستيسيا تارتۋعا جانە ازاماتتاردىڭ ءال-اۋقاتىن ەداۋىر جاقسارتۋعا باعىتتالعان. مۇنىڭ ءبارى 2029 -جىلعا قاراي ج ءى ءو-نى ەكى ەسەگە ارتتىرۋعا بەرىك نەگىز بولادى.
