ەلگە شەگىرتكە قاپتاتىپ العانىمىزدى جاسىرمايمىز - ۆيتسە-پرەمەر

 استانا. KAZINFORM - ءماجىلىستىڭ جالپى وتىرىسىنان كەيىن وتكەن بريفينگىدە ب ا ق وكىلدەرى پرەمەر- ءمينيستردىڭ ورىنباسارى سەرىك جۇمانعاريننەن قازاقستانعا قاپتاعان شەگىرتكەنىڭ استىق نارىعىنا اسەرى قانداي بولاتىنىن سۇرادى.

Үкімет
Фото: Үкімет

ونىڭ ايتۋىنشا، شەگىرتكەنىڭ استىققا تيگىزەر زيانى ۇشىپ كەلگەن سانىنا ەمەس، جۇمىرتقا سالعان اۋماعىنا بايلانىستى.

«شەگىرتكەگە قاتىستى ايتساق، بىلتىر ءبىز جىبەرىپ الدىق. ونى جاسىرمايمىز. شەگىرتكە قاپتاپ كەتتى. جالپى ۇشىپ جۇرگەن شەگىرتكە قاۋىپتى ەمەس. تۇپتەپ كەلگەندە قازىر ەۋروپادا، امەريكادا ۇشىپ جۇرگەن شەگىرتكەمەن ەشكىم جۇمىس ىستەمەيدى. ءبىز قازاقستان عانا جۇمىس ىستەيمىز. نەگە؟ ويتكەنى ولار ۇشىپ- قونعان سايىن ۇلكەن اۋماقتارعا جۇمىرتقا تاستايدى. بىلتىر قوسىمشا 1 ميلليون گەكتار اۋماققا شەگىرتكە تارادى. ونىڭ الدىنداعى 1,5 ميلليون گەكتاردى قوسساق، 2,5 ميلليون گەكتار اۋماققا تاراعان بولىپ وتىر»، - دەدى ۆيتسە- پرەمەر.

سونداي- اق، ول بيىل قازاقستان شەگىرتكەمەن كۇرەسكە العاش رەت دروندار پايدالانىپ باستاعانىن ەسكە سالدى.

«بيىل بيۋدجەتكە سانيتاريا ماقساتىنداعى 100 بارلاۋشى دروننىڭ سمەتاسىن ەنگىزەمىز. بۇل اتالمىش جۇمىستى جولعا قويۋ ءۇشىن قاجەت»، - دەدى س. جۇمانعارين.

سوڭعى جاڭالىقتار