ەل ازاماتتارى بۇگىنگە دەيىن قانشا التىن قۇيماسىن ساتىپ الدى
استانا. KAZINFORM - ۇلتتىق بانك 2017 -جىلى ولشەنگەن التىن قۇيمالاردى حالىققا ساتۋ جانە قايتادان ساتىپ الۋ باعدارلاماسىن ىسكە قوسقان بولاتىن. Kazinform اگەنتتىگى قازىرگە كۇنگە دەيىن ەل ازاماتتارى قانشا توننا التىن ساتىپ العانىن انىقتاپ كوردى.

- 2025 -جىلعى 1- قاڭتارداعى دەرەككە ساي، ۇلتتىق بانك ەكىنشى دەڭگەيلى بانكتەر مەن بانككە جاتپايتىن ايىرباستاۋ پۋنكتەرىنە جالپى سالماعى 6,8 توننا ولشەنگەن قۇيما ساتتى، - دەلىنگەن حابارلامادا.
اففينيرلەنگەن، ياعني ولشەنگەن التىن قۇيمالار سالماعىنا قاراي بەس تۇرگە بولىنەدى: 5 گرامم، 10 گرامم، 20 گرامم، 50 گرامم جانە 100 گرامدىق.
قۇيمالاردىڭ بارىندە باعالى مەتالدىڭ قۇرامى - %99,99، سوعان ساي سىناماسى - 999,9.
ۇلتتىق بانك ولشەنگەن قۇيمالاردى ەكىنشى دەڭگەيلى بانكتەر (Halyk Bank، ەۋرازيالىق بانك، Jusan Bank پەن بانك تسەنتركرەديت) جانە بانككە جاتپايتىن كەيبىر ايىرباستاۋ پۋنكتەرى ارقىلى ساتادى. ساتۋ جانە قايتا ساتىپ الۋ ءتارتىبى بانكتەر جانە ايىرباستاۋ پۋنكتتەرىمەن جاسالعان شارت ارقىلى رەتتەلەدى.
ەسكە سالايىق، وزبەكستاندا التىن قۇيمالار مەن مونەتالاردىڭ قۇنى رەكوردتىق دەڭگەيدە قىمباتتادى.