ەل اۋماعىندا جەل كۇشەيىپ، وڭتۇستىك وڭىرلەردە شاڭدى داۋىل تۇرادى - قازگيدرومەت

استانا. KAZINFORM - «قازگيدرومەت» ر م ك ەل اۋماعىندا 28-مامىردا بولاتىن قاۋىپتى مەتەورولوگيالىق قۇبىلىستارعا بولجام جاسادى.

دەرەككە قاراعاندا، سيكلون جانە ونىمەن بايلانىستى اتموسفەرالىق فرونتالدى بولىمدەر قازاقستاننىڭ شىعىس بولىگىنە اسەرىن ساقتايدى، نايزاعاي ويناپ، جاڭبىر جاۋادى. ق ر قالعان اۋماعىندا انتيسيكلون سىلەمىنىڭ اسەرىنەن جاۋىن-شاشىنسىز اۋا رايى كۇتىلەدى.

رەسپۋبليكا بويىنشا جەل كۇشەيىپ، وڭتۇستىگىندە شاڭدى داۋىل تۇرادى، سولتۇستىگىندە، شىعىسىندا تۇنگى جانە تاڭەرتەڭگى ساعاتتاردا تۇمان تۇسەدى.

- تۇندە اباي وبلىسىنىڭ وڭتۇستىگىندە، شىعىسىندا، شىعىس قازاقستان وبلىسىنىڭ سولتۇستىگىندە، شىعىسىندا 2-3 گرادۋس ۇسىك جۇرەدى، - دەپ جازدى سينوپتيكتەر.

جەتىسۋ وبلىستىڭ شىعىسىندا، ورتالىعىندا، قىزىلوردا وبلىسىنىڭ سولتۇستىگىندە، ماڭعىستاۋ وبلىسىنىڭ باتىسىندا، اقتوبە وبلىسىنىڭ باتىسىندا، سولتۇستىگىندە، وڭتۇستىگىندە، پاۆلودار وبلىسىنىڭ شىعىسىندا، ورتالىعىندا، جامبىل وبلىسىنىڭ سولتۇستىگىندە، وڭتۇستىگىندە، باتىس قازاقستان وبلىسىنىڭ وڭتۇستىگىندە، شىعىسىندا، اتىراۋ وبلىسىنىڭ سولتۇستىگىندە، شىعىسىندا، تۇركىستان وبلىسىنىڭ وڭتۇستىگىندە، الماتى وبلىسىنىڭ ورتالىعىندا جوعارى ءورت قاۋپى كۇتىلەدى.

قىزىلوردا وبلىسىندا تۇركىستان وبلىسىنىڭ سولتۇستىگىندە، ءشولدى، تاۋ بوكتەرىندەگى اۋداندارىندا، جامبىل وبلىسىنىڭ باتىسىندا، شىعىسىندا، اقتوبە وبلىسىنىڭ وڭتۇستىك- شىعىسىندا، اتىراۋ وبلىسىنىڭ وڭتۇستىگىندە، باتىسىندا، الماتى وبلىسىنىڭ باتىسىندا، سولتۇستىگىندە، قوستاناي، اباي، ۇلىتاۋ وبلىستارىنىڭ وڭتۇستىگىندە، پاۆلودار وبلىسى مەن جەتىسۋ وبلىسىنىڭ وڭتۇستىك- شىعىسىندا توتەنشە ءورت قاۋپى بار.