ەل اۋماعىندا 58 ميلليون توننا راديواكتيۆتى قالدىق شاشىلىپ جاتىر-ەدىل جاڭبىرشين

 17 жылдан кейін еліміздің көп өңірі сусыз қалуы мүмкін – Еділ Жаңбыршин
Фото:

 استانا. KAZINFORM - ءماجىلىس دەپۋتاتى، پالاتانىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ ءتوراعاسى ەدىل جاڭبىرشين ەلدەگى باقىلاۋسىز جاتقان راديواكتيۆتى قالدىقتاردىڭ كولەمى تۋرالى مالىمەت بەردى.

«ەلىمىز ۋران ءوندىرۋ بويىنشا الەمدە ءبىرىنشى ورىندا جانە ونىڭ قورى بويىنشا ەكىنشى ورىندا. ماسەلەن، دۇنيەجۇزىلىك يادرولىق قاۋىمداستىقتىڭ دەرەكتەرى بويىنشا، قازاقستان الەمدىك ۋران ءوندىرىسىنىڭ 43 پايىزىن، ال 2022 -جىلى ۋران قورى الەمدىك قوردىڭ 12 پايىزىن قۇرادى. ەلىمىزدىڭ اۋماعىندا ك س ر و كەزىندە پايدا بولعان رادياتسيالىق قاۋىپتى نىساندار بار. يادرولىق سىناقتاردان 237 ميلليون توننادان استام راديواكتيۆتى قالدىقتاردى جيناقتاعان سەمەي پوليگونىنىڭ اۋماعى تۋرالى ۇمىتپاۋىمىز كەرەك. سونىمەن قاتار راديواكتيۆتى قالدىقتار «قازاتومونەركاسىپ» ا ق- دا، ءۇلبى مەتاللۋرگيالىق زاۋىتىندا، «م ا ە ك» ج ش س- ىندە، ستەپنوگورسك تاۋ- حيميا كومبيناتىندا جانە مۇناي كاسىپورىندارىندا شوعىرلانعان. جالپى كولەمى وتە كوپ. ءار ءتۇرلى سيفرلار بار. ءبىزدىڭ مالىمەتىمىز بويىنشا 58 ميلليون تونناداي راديواكتيۆتى قالدىقتار ءار جەردە شاشىلىپ جاتىر. وسىعان بايلانىستى راديواكتيۆتى قالدىقتاردى ءتيىمدى باسقارۋدىڭ ماڭىزدىلىعى ءسوزسىز»، - دەدى ول ادىلەت مينيسترلىگىنىڭ زاڭ جوبالاۋ جونىندەگى ۆەدومستۆوارالىق كوميسسياسىنىڭ وتىرىسىندا.

دەپۋتات راديواكتيۆتى قالدىقتاردى قاۋىپسىز باسقارۋ ءبىرىنشى كەزەكتە مەملەكەتتىڭ مىندەتى ەكەنىن ەسكە سالدى.

«مەملەكەت باسشىسى قوشقار اتا قالدىقتار قويماسىن رەكۋلتيۆاتسيالاۋ تۋرالى تاپسىرما بەرگەن بولاتىن. وندا 101 ميلليون توننا توكسيكالىق قالدىق، 52 ميلليون توننا راديواكتيۆتى قالدىق جاتىر. بۇل الەمدەگى ەڭ ۇلكەن قويما بولىپ ەسەپتەلەدى - كولەمى اقتاۋ قالاسىنىڭ اۋدانىنداي ەكى اۋماقتى الىپ جاتىر»، - دەدى ەدىل جاڭبىرشين.

سوڭعى جاڭالىقتار