كيىك ەتى تاۋىق ەتىنەن ارزان بولا ما - مينيستر جاۋابى
استانا. KAZINFORM - اۋىل شارۋاشىلىعى ءمينيسترى ايداربەك ساپاروۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا كيىك ەتىنىڭ ءبىر كيلوگرامى نەشە تەڭگەدەن ساتىلۋى مۇمكىن ەكەنىن ايتتى.
- كيىك ەتىن ساتۋ قولعا الىنعانى بەلگىلى. بيىل ونىڭ باعاسى سيىردىڭ نەمەسە تاۋىقتىڭ ەتىنەن ارزان بولا ما، - دەپ سۇرادى جۋرناليست.
ايداربەك ساپاروۆ جۇمىس ەندى باستالىپ جاتقاندىقتان قازىر ناقتى باعانى بولجاۋ قيىن ەكەنىن ءتۇسىندىردى.
- جۇمىس ەندى عانا باستالدى. بۇل ماسەلەمەن ەكولوگيا مينيسترلىگى اينالىسىپ جاتىر. ءبىزدىڭ مىندەت - ەت كومبيناتتارىن قامتاماسىز ەتۋ. قازىر ەلدە 18 ەت كومبيناتى تىركەلگەن. ۆەتەرينارلار دا سوندا ءجۇر. كيىك ەتى قانشاعا ساتىلاتىنى، تابىسى قانشا بولاتىنى لوگيستيكاعا، باسقا دا فاكتورلارعا بايلانىستى. ءبىر اپتا نەمەسە 10 كۇننىڭ ىشىندە قوسىمشا ناقتى باعانى ايتامىز دەپ ويلايمىن.
ەسكە سالساق، باتىسقازاقستاندىق عالىمدار كيىك ەتىنەن شۇجىق جاساپ شىعارعان بولاتىن.
اۆتور
ەسىمجان ناقتىباي
