ۇكىمەتتىك ەمەس ۇيىمدارعا ارنالعان سىيلىق اقى: ءوتىنىم قابىلداۋدىڭ سوڭعى مەرزىمى بەلگىلى بولدى

مينيسترلىكتىڭ مالىمەتىنشە، بايقاۋ ماقساتى - ۇكىمەتتىك ەمەس ۇيىمداردىڭ الەۋەتىن نىعايتۋ جانە قوعامدىق ماڭىزى بار جوبالاردى ىسكە اسىرۋعا ىنتالاندىرۋ ءۇشىن ينستيتۋتسيونالدىق قولداۋ كورسەتۋ.

سىيلىق اقى الەۋمەتتىك ماڭىزى بار 16 سالا بويىنشا بەرىلەدى. ءبىر سالاعا ارنالعان سىيلىقاقى مولشەرى - 2000 ا ە ك. كەيىنگى 9 جىل ىشىندە بۇل سىيلىقاقى 558 ۇكىمەتتىك ەمەس ۇيىمعا تابىستالدى. جىل سايىن ولاردىڭ قاتارىندا اۋداندار مەن اۋىلدىق ەلدى مەكەندەردىڭ دامۋىنا ۇلەس قوسىپ جۇرگەن 10 عا جۋىق اۋىلدىق ۇكىمەتتىك ەمەس ۇيىم بار.

- ەگەر ۇيىمىڭىز قوعامدىق باستامالاردى جۇزەگە اسىرۋعا بەلسەندى قاتىسىپ، ءوز سالاسىندا ناتيجەلى جۇمىس اتقارىپ، الەۋمەتتىك ماڭىزى بار ماسەلەلەردى شەشۋگە ۇلەس قوسىپ جۇرسە، سىزدەردى ۇزدىك ۇكىمەتتىك ەمەس ۇيىمداردى انىقتاۋعا ارنالعان بايقاۋعا قاتىسۋعا شاقىرامىز. ءوتىنىم قابىلداۋ 2026-جىلعى 1-قىركۇيەكتە ساعات 18:30 دا (استانا ۋاقىتىمەن) اياقتالادى،- دەلىنگەن حابارلامادا.

بايقاۋعا قاتىسۋ تالاپتارى تۋرالى تولىق اقپاراتتى مىنا سىلتەمە ارقىلى بىلۋگە بولادى. قوسىمشا اقپارات بويىنشا مىنا تەلەفوندارعا حابارلاسۋعا بولادى: 87172740741، 740997، 740217.

وسىدان بۇرىن دەپۋتات بارلىق حالىقارالىق ۇ ە ۇ-نىڭ شەتەلدىك قارجىلاندىرىلۋىن باقىلاۋدى ۇسىندى.