كۋۆەيتتە ورتتەن 41 ادام قازا تاپتى

 استانا. KAZINFORM - مانگاف قالاسىندا ءۇي ورتەنىپ، 41 ادام كوز جۇمدى. ولاردىڭ اراسىندا شەتەلدىكتەر دە بولۋى مۇمكىن، دەپ جازادى Reuters.

ەلدىڭ پرەمەر-ءمينيسترىنىڭ ورىنباسارى فاحاد يۋسۋف ساۋد ال-ساباح عيمارات يەلەرى قاۋىپسىزدىك شارالارىن ساقتاماعانىن ايتتى.

«بۇل جاعداي عيمارات يەلەرىنىڭ ساراڭدىعىنىڭ كەسىرىنەن بولىپ وتىر. ولار قاراجات ۇنەمدەپ، ءتيىستى تالاپتاردىڭ ءبىرىن دە ورىنداماعان»، - دەيدى شەيح.

قىزىل جالىن بۇگىن تاڭسارىدە تۇتانعان. ەلدىڭ كۇش قۇرىلىمدارى ونداعان ادامنىڭ جاراقات العانىن ايتادى.

«ول عيماراتتا جۇمىسشىلار تۇرىپ جاتقان ەدى. ءورت باستالعاندا وقيعا ورنىنا جەتىپ، جۇزدەگەن ادامدى قۇتقاردىق. وكىنىشكە قاراي، كوبى تۇتىنگە تۇنشىعىپ، تىرىدەي ورتەندى»، — دەيدى گەنەرال-مايور يد راشەد حاماد.

قازىر ءورتتىڭ نەدەن شىققانى انىقتالىپ جاتىر.