كىسى ولتىرۋگە وقتالعان رەسەديۆيست ارمەنيادان ەكستراديتسيالاندى
استانا. KAZINFORM - قازاقستان رەسپۋبليكاسىنىڭ باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى ارمەنيا رەسپۋبليكاسىنداعى ەلشىلىگىنىڭ كومەگىمەن بۇرىن بىرنەشە رەت سوتتالعان جانە كىسى ولتىرۋگە وقتالعانى ءۇشىن جازالاۋ ماقساتىندا قازاقستان ازاماتىن ەرەۆاننان ەكستراديتسيالادى.
ق ر باس پروكۋراتۋراسى باسپا ءسوز قىزمەتىنىڭ حابارلاۋىنشا، 2024 -جىلدىڭ قىركۇيەگىندە پەتروپاۆل قالاسىندا اتالعان تۇلعا ماس كۇيىندە بۇزاقىلىق نيەتپەن جابىرلەنۋشىگە پىشاقپەن بىرنەشە رەت جاراقات سالعان. زارداپ شەككەن ادام شۇعىل مەديتسينالىق كومەكتى ارقاسىندا امان قالدى.
قىلمىس جاساعاننان كەيىن قاسكوي ءىزىن سۋىتىپ، وعان حالىقارالىق ىزدەۋ جاريالانعان.
وتكەن جىلدىڭ قازان ايىندا ول ارمەنيا اۋماعىندا ۇستالىپ، قازاقستان باس پروكۋراتۋراسىنىڭ سۇراۋ سالۋى بويىنشا وتانىنا ەكستراديتسيالاندى.
قازىر كۇدىكتى ۋاقىتشا تەرگەۋ يزولياتورىنا قامالدى.
- ول ەندى جاساعان قىلمىسى ءۇشىن مۇلكىن تاركىلەۋ ارقىلى ون بەس جىلدان جيىرما جىلعا دەيىن نە ءومىر بويىنا باس بوستاندىعىنان ايىرىلۋى مۇمكىن، - دەلىنگەن حابارلامادا.
وسىعان دەيىن «استانا LRT» ج ش س-نىڭ بۇرىنعى باسشىسى، قازاقستان ازاماتى تالعات ارداندى ەلگە ەكستارديتسيالاۋ ءۇشىن ءتيىستى جۇمىستار جۇرگىزىلىپ جاتقانى تۋرالى جازدىق.
اۆتور
ايدار وسپاناليەۆ
