كىرپىشى قۇلاعان ءۇي 60 جىلدان بەرى جوندەۋ كورمەگەن - ورال اكىمدىگى

ورالدا كىرپىش تاس قۇلاعان ءۇي 60 جىلدان بەرى جوندەۋ كورمەگەن، دەپ حابارلايدى Kazinform.

بۇدان بۇرىن جازعانىمىزداي، ورالدا 26-قاراشا كۇنى باسىنا كىرپىش تاس قۇلاعان ايەل كوز جۇمعان ەدى.

وسى وقيعاعا بايلانىستى ورال قالاسىنىڭ اكىمدىگى تۇسىنىك بەردى.

اكىمدىك مالىمەتىنە قاراعاندا، ن. نازاربايەۆ داڭعىلى 236-مەكەنجايىندا ورنالاسقان 48 پاتەرلىك 4 قاباتتى ءۇي 1963-جىلى پايدالانۋعا بەرىلگەن.

«اتالعان ءۇي بويىنشا «جۇلدىز- العا» پاتەر يەلەرى كووپەراتيۆى قىزمەت كورسەتەدى. ۇيگە الپىس جىلدان بەرى كۇردەلى جوندەۋ جۇرگىزىلمەگەن. «جۇلدىز- العا» پ ي ك مالىمەتى بويىنشا تۇرعىن ءۇيدى كۇردەلى جوندەۋ تۋرالى جينالىس ۇيىمداستىرىلعان. الايدا كۆورۋمنىڭ بولماۋىنا بايلانىستى ءۇيدى كۇردەلى جوندەۋ جانە «تۇرعىن ءۇي-كوممۋنالدىق شارۋاشىلىعىن جاڭعىرتۋ» باعدارلاماسىنا قاتىسۋ تۋرالى شەشىم قابىلدانباعان. «تۇرعىن ءۇي قاتىناستارى تۋرالى» ق ر زاڭىنىڭ 32-بابىنا سايكەس پاتەرلەردىڭ، تۇرعىن ەمەس ءۇي-جايلاردىڭ مەنشىك يەلەرى كوندومينيۋم وبەكتىسىنىڭ ورتاق مۇلكىنە اعىمداعى جانە كۇردەلى جوندەۋ جۇرگىزۋدى قوسا العاندا، كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ جانە ونىڭ قاۋىپسىز پايدالانىلۋىن قامتاماسىز ەتۋ جونىندەگى شارالاردى قولدانۋعا مىندەتتى. وعان قوسا پ ي ك-تە، تۇرعىندار دا كوشەدە ءۇي ماڭىندا تۇرعان اعاشتاردى كەسۋ جونىندە قالا اكىمدىگىنە جۇگىنبەگەن»، دەپ حابارلادى ۆەدومستۆودان.

ب ق و پوليتسيا دەپارتامەنتىنىڭ باسپا ءسوز قىزمەتى اتالعان وقيعا ادام ءولىمى رەتىندە سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلگەنىن، سوعان سايكەس تەرگەۋ امالدارى جۇرگىزىلىپ جاتقانىن جەتكىزدى.