كىناسىن مويىندامادى. سوت دانا اتەشوۆاعا قانداي جازا تاعايىندادى؟
استانا. قازاقپارات - استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى وتباسى-تۇرمىستىق قاتىناستار بويىنشا قۇقىق بۇزۋشىعا قاتىستى اكىمشىلىك ماتەريالدى قارادى، - دەپ حابارلايدى Massaget.kz.

ءىس ماتەريالدارىنا سايكەس، اتەشوۆا وتباسىلىق جانجال بارىسىندا بۇرىنعى جۇبايىنا قاتىستى بىلاپىت سوزدەر ايتقان.
سوتتا ول ءوز كىناسىن مويىنداماعان. ول بۇرىنعى جۇبايىن بىلاپىت سوزدەرمەن قورلاماعانىن، تەك بىلاپىت سوزدەر تۇرىندەگى ەتىستىكتى قولدانعانىن ءتۇسىندىردى. سونىمەن قاتار، بۇرىنعى جۇبايىنىڭ ۇيدە زاڭسىز بولىپ، ونى ارانداتقانىن جەتكىزدى.
ا ق ب ت ك-نىڭ 73-بابى 1-بولىگىنىڭ سانكسياسى ەسكەرتۋ جاساۋ نە 5 تاۋلىككە اكىمشىلىك قاماققا الۋعا اكەپ سوعادى. قۇقىق بۇزۋشىنىڭ جاس بالالارى بار جانە ول قاماققا الۋ قولدانىلمايتىن ادامدار ساناتىنا جاتادى.
قۇقىق بۇزۋشىنىڭ جاس بالالارىنىڭ بولۋى جانە قۇقىق بۇزۋشىلىقتى العاش رەت جاساۋى جاۋاپكەرشىلىك پەن جازانى جەڭىلدەتەتىن ءمان-جايلار رەتىندە تانىلدى.
اۋىرلاتاتىن ءمان-جايلار انىقتالمادى.
سوت ەسكەرتۋ تۇرىندەگى اكىمشىلىك جازا قولدانىپ، كەلىنشەكتى ا ق ب ت ك-نىڭ 73-بابىنىڭ 1-بولىگى بويىنشا كىنالى دەپ تانىدى.