ۇكىمەتتە ەكونوميكانى ودان ءارى ءوسىرۋدى قامتاماسىز ەتۋ ماسەلەلەرى تالقىلاندى
ق ر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن كەڭەستە 2023-جىلعى الەۋمەتتىك-ەكونوميكالىق دامۋ قورىتىندىلارى جانە ۇكىمەتتىڭ 2024-جىلعا ارنالعان جۇمىس جوسپارلارى بويىنشا مەملەكەت باسشىسىنىڭ قاتىسۋىمەن وتەتىن كەڭەيتىلگەن وتىرىسقا دايىندىق ماسەلەلەرى قارالدى، دەپ حابارلايدى Kazinform.
مەملەكەت باسشىسىنىڭ جولداۋلارىندا جانە سايلاۋالدى باعدارلاماسىندا بەلگىلەنگەن رەفورمالاردى جالعاستىرۋ اياسىندا ەكونوميكانى ودان ءارى ءوسىرۋدى قامتاماسىز ەتۋ ماسەلەلەرى تالقىلاندى.
اتاپ ايتقاندا، ونەركاسىپ، ەنەرگەتيكا، اۋىل شارۋاشىلىعى، كولىك، دەنساۋلىق ساقتاۋ، ءبىلىم بەرۋ جانە تۋريزم سالالارىنداعى مىندەتتەر مەن جوبالاردى ىسكە اسىرۋ، سونداي-اق ازاماتتاردى جۇمىسقا ورنالاستىرۋ جانە الەۋمەتتىك قولداۋدى نىعايتۋ ماسەلەلەرى قارالدى.
بۇدان باسقا ينۆەستيتسيا تارتۋ، شاعىن جانە ورتا بيزنەستى قولداۋ، سونداي-اق ينفلياتسيانى ودان ءارى تومەندەتۋ جونىندەگى شارالار تالقىلاندى.
