ۇكىمەت سۋ تاسقىنى سالدارىنان زارداپ شەككەندەرگە قوسىمشا كومەك كورسەتۋ تەتىكتەرىن ءتۇسىندىردى
استانا. KAZINFORM - ۇكىمەت سۋ تاسقىنى سالدارىنان زارداپ شەككەن تۇرعىندارعا بۇلىنگەن ءۇي زاتتارىن وتەۋ بويىنشا قوسىمشا كومەك كورسەتۋ تۋرالى شەشىم قابىلدادى.
ق ر ۇكىمەتى باسپا ءسوز قىزمەتىنىڭ حابارلاۋىنشا، بۇل توڭازىتقىش، اس ءۇي پليتاسى، ۇستەل، ورىندىق، كەرەۋەت، كىر جۋعىش ماشينا، تەلەديدار نەمەسە راديو، سۋمەن جابدىقتاۋ جانە جىلىتۋ قۇرالدارى.
كەلتىرىلگەن زالالدى وتەۋ جەرگىلىكتى اكىمدىكتەر جانىنداعى ءتيىستى كوميسسيانىڭ شەشىمى نەگىزىندە جۇرگىزىلەتىن بولادى. زارداپ شەككەندەردىڭ مۇلكى 150 ا ە ك- تەن اسپايتىن مولشەردە وتەلەدى.
«تۇرعىندار كومەكتى مۇلىكتىڭ زاقىمدانۋ سيپاتىنا قاراي، بىرەۋ 150 ا ە ك، بىرەۋ 50 نەمەسە 80 ا ە ك جانە ت. ب. الا الادى. سۋ تاسقىنىنان زارداپ شەككەن بارلىق وتباسىلارعا تولەنەتىن 100 ا ە ك كولەمىندەگى ءبىرجولعى تولەممەن شاتاستىرماۋدى سۇرايمىن»، - دەپ اتاپ ءوتتى ت ج ۆيتسە-ءمينيسترى باۋىرجان سىزدىقوۆ.
