ۇكىمەت پەن ۇلتتىق كومپانيالار جاساندى ينتەللەكت تەحنولوگياسىن ەنگىزۋدى قولعا الۋ كەرەك - پرەزيدەنت
استانا. KAZINFORM - پرەزيدەنت قاسىم-جومارت توقايەۆ تسيفرلىق تەحنولوگيانى جان- جاقتى ەنگىزۋ قاجەتتىگى جونىندە تاپسىرمالار بەردى.

− قازاقستان سيفرلاندىرۋ ىسىندە، اسىرەسە، مەملەكەتتىك قىزمەت كورسەتۋ سالاسىن سيفرلاندىرۋ جولىندا ەداۋىر جەتىستىككە جەتتى. ءبىراق بۇل - الداعى ۇلكەن جۇمىستىڭ باسى عانا. تولىققاندى سيفرلىق ەكوجۇيە جاساۋ ءۇشىن ونىڭ ىرگەسى بەرىك بولۋعا ءتيىس، ياعني، ساپالى مالىمەتتەر مەن ونى قورعايتىن سەنىمدى جۇيە قاجەت، - دەپ اتاپ ءوتتى پرەزيدەنت ۇكىمەتتىڭ بۇگىنگى كەڭەيتىلگەن وتىرىسىندا.
پرەزيدەنت جاساندى ينتەللەكت تەحنولوگياسىن قارقىندى دامىتۋ كەرەگىن دە ايتۋدا. جىل سوڭىنا دەيىن ونىڭ كەيبىر تۇستارىن ەلەكتروندى ۇكىمەت جۇيەسىنە ەنگىزۋ قاجەت. بۇل تەحنولوگيانى «Smart City» جوبالارىندا كەڭىنەن قولدانۋ ماسەلەسىنە ايرىقشا نازار اۋدارعان ءجون.
ادام كاپيتالىن دامىتۋدى جانە جوعارى وقۋ ورىندارىن ءبىلىم بەرۋدەن عىلىمي-زەرتتەۋ تاسىلدەرىنە كوشىرۋدى كوزدەيتىن «AI- Sana» جاساندى ينتەللەكتىنى وقىتۋ باعدارلاماسىنىڭ ماڭىزى ارتىپ كەلەدى. ۇكىمەت سيفرلاندىرۋ مەن جاساندى ينتەللەكتىنى قولدانۋدىڭ ءبىرتۇتاس جۇيەسىن قۇرۋعا ءتيىس.
− ۇكىمەتكە مەملەكەتتىك ورگاندار مەن ۇلتتىق كومپانيالارعا جاساندى ينتەللەكت تەحنولوگياسىن ەنگىزۋ جۇمىسىن قولعا الۋدى تاپسىرامىن، - دەدى قاسىم-جومارت توقايەۆ.
بۇعان دەيىن قاسىم-جومارت توقايەۆ ۇكىمەتتىڭ سالىق- بيۋدجەت جۇيەسىن رەفورمالاۋ تۋرالى ۇسىنىسىن ماقۇلدادى، ءبىراق حالىققا ءتۇسىندىرۋ جۇمىستارىن جۇرگىزۋ كەرەگىن باسا ايتتى.
سونىمەن قاتار ۇكىمەت كەلەشەگى زور ءاربىر ورتا كاسىپورىننىڭ جۇمىس جوسپارىن ازىرلەيتىنى تۋرالى ايتلىعان ەدى.