ۇكىمەت مۇشەلەرىنە تويعا بارۋعا تىيىم سالىندى

тамақ
Фото: Pexels

استانا. KAZINFORM - قىرعىزستاندا ۇكىمەت مۇشەلەرىنە تويعا بارۋعا تىيىم سالىندى، - دەپ حابارلايدى 24.kg.

قىرعىزستاننىڭ پرەزيدەنت اكىمشىلىگى القاسىنىڭ وتىرىسىندا ەلدىڭ پرەمەر-ءمينيسترى اقىلبەك جاپاروۆ ۇكىمەت مۇشەلەرىنە تويعا بارۋعا تىيىم سالدى.

ونىڭ ايتۋىنشا، پرەزيدەنتتىڭ جارلىقتارى مەن تاپسىرمالارى ساپالى ءارى مەرزىمىندە ورىندالۋعا ءتيىس. سونىمەن قاتار، ول سادىر جاپاروۆتىڭ توي وتكىزۋ كەزىندە ىسىراپشىلدىققا تىيىم سالۋ تۋرالى جارلىعىنا توقتالدى.

«قايدا ىسىراپشىلدىق بار، ول جەرگە بارماڭىزدار. تويعا بارماڭىزدار»، - دەدى اقىلبەك جاپاروۆ.

2022-جىلى اقپاندا قىرعىزستاندا پرەزيدەنتتىڭ جارلىعىنا قول قويىلىپ، ءىس-شارالار كەزىندەگى شەكتەۋلەر تۋرالى زاڭ كۇشىنە ەندى. ماقساتى - ازاماتتاردىڭ الەۋمەتتىك جانە ەكونوميكالىق ءومىر ءسۇرۋ دەڭگەيىن ارتتىرۋ، سونداي-اق، ىسىراپشىلدىقتىڭ الدىن الۋ.

سوڭعى جاڭالىقتار