ۇكىمەت ماڭعىستاۋ اتوم ەنەرگەتيكالىق كومبيناتىنا 5 ميلليارد تەڭگە ءبولدى
استانا. KAZINFORM - قازاقستان رەسپۋبليكاسىنىڭ پرەمەر- ءمينيسترى ولجاس بەكتەنوۆ ماڭعىستاۋ وبلىسىنداعى «م ا ە ك» ج ش س قىزمەتىن قولداۋعا ۇكىمەت رەزەرۆىنەن 5 ميلليارد تەڭگە ءبولۋ تۋرالى قاۋلىعا قول قويدى، دەپ حابارلايدى ق ر ۇكىمەتىنىڭ باسپا ءسوز قىزمەتى.
قاراجات وبلىستىق بيۋدجەت ارقىلى ەنەرگەتيكا كومبيناتىن سۋبسيديالاۋعا باعىتتالاتىن بولادى، بۇل كاسىپورىنعا الداعى جىلىتۋ ماۋسىمىنا ۋاقتىلى دايىندالۋعا جانە ەنەرگەتيكالىق ينفراقۇرىلىمنىڭ تۇراقتى جۇمىس ىستەۋىن قامتاماسىز ەتۋگە مۇمكىندىك بەرەدى.
2023 -جىلدان باستاپ كاسىپورىندى كەزەڭ-كەزەڭىمەن جاڭعىرتۋ جۇمىستارى جۇرگىزىلىپ كەلەدى. ۇزدىكسىز وندىرىستىك سيكلدى قامتاماسىز ەتۋگە جانە جابدىقتىڭ توقتاپ قالۋ قاۋپىن ازايتۋعا باعىتتالعان ءبىرقاتار نەگىزگى جوبالاردى ىسكە اسىرۋ كوزدەلگەن. ولار قازاندىق اگرەگاتتارىن، رەزەرۆتىك قورعاۋ جانە اۆتوماتيكا جۇيەلەرىن، سونداي-اق ەلەكتر ەنەرگياسىن باسقارۋ مەن ەسەپكە الۋدىڭ اۆتوماتتاندىرىلعان جۇيەلەرىن جاڭعىرتۋدى قامتيدى.
م ا ە ك - اقتاۋ قالاسىن قوسا العاندا، وڭىردەگى ەلدى مەكەندەر مەن كاسىپورىنداردى ەلەكتر جانە جىلۋ ەنەرگياسىمەن، سونداي-اق اۋىز سۋ، ىستىق جانە تەحنيكالىق سۋمەن قامتاماسىز ەتەتىن ماڭعىستاۋ وبلىسىنىڭ ءىرى ەنەرگيا كەشەنى.
