ۇكىمەت ءىرى مۇناي-گاز جوبالارىن دامىتۋدىڭ بەس جىلدىق كەشەندى جوسپارىن بەكىتتى
ق ر ۇكىمەتى ءىرى مۇناي-گاز جانە مۇناي-گاز-حيميا جوبالارىن دامىتۋدىڭ 2023-2027-جىلدارعا ارنالعان كەشەندى جوسپارىن بەكىتتى. پرەمەر-مينيستر ءاليحان سمايىلوۆ ءتيىستى قاۋلىعا قول قويدى، دەپ حابارلايدى Kazinform ۇكىمەتتىڭ باسپا ءسوز قىزمەتىنە سىلتەمە جاساپ.
قابىلدانعان كەشەندى جوسپار مۇناي-گاز، مۇناي-گاز وڭدەۋ، سونداي-اق مۇناي-گاز-حيميا سالالارىندا 20 ماڭىزدى جوبانى ىسكە اسىرۋعا باعىتتالعان. جوبالاردى ىسكە اسىرۋعا $37,3 ميلليارد كولەمىندە ينۆەستيتسيالار تارتۋ كوزدەلىپ وتىر.
اتاپ ايتقاندا، قۇجاتتا 2027-جىلعا قاراي تەڭىز، قاراشىعاناق جانە قاشاعان كەن ورىندارىندا مۇناي ءوندىرۋ دەڭگەيىن 105,5 ميلليون تونناعا دەيىن جانە گاز ءوندىرۋ دەڭگەيىن 82,1 ميلليارد м3 دەيىن ارتتىرۋعا باعىتتالعان ءىرى مۇناي-گاز جوبالارىن ىسكە اسىرۋ جوسپارلانعان.
سونىمەن قاتار كەشەندى جوسپارداعى گاز وڭدەۋ زاۋىتتارىنىڭ قۇرىلىسى ىشكى نارىقتىڭ قاجەتتىلىكتەرىن قاناعاتتاندىرۋعا ايتارلىقتاي اسەر ەتەتىنىن اتاپ وتكەن ءجون.
بۇدان باسقا ىشكى نارىقتى مۇناي ونىمدەرىمەن قامتاماسىز ەتۋ ماقساتىندا ءۇش جوبانى ىسكە اسىرۋ كوزدەلگەن. 2029-جىلعا قاراي شىمكەنت م ءو ز- ىندە ءوندىرىس قۋاتى 6 دان 12 ميلليون تونناعا دەيىن ارتادى دەپ جوسپارلانىپ وتىر. ناتيجەسىندە ەلىمىزدە جىلىنا 18 ميلليون توننا مۇناي ونىمدەرى وندىرىلەتىن بولادى.
ءوز كەزەگىندە زاۋىتقا مۇناي جەتكىزۋدى قامتاماسىز ەتۋ ءۇشىن كەڭقياق-اتىراۋ مۇناي قۇبىرىن جىلىنا 6 ميلليوننان 15 ميلليون تونناعا دەيىن جانە كەڭقياق-قۇمكول مۇناي قۇبىرىن جىلىنا 10 ميلليوننان 20 ميلليون تونناعا دەيىن كەڭەيتۋ جوبالارى ىسكە اسىرىلاتىن بولادى.
مۇناي-گاز-حيميا سالاسىنا قاتىستى قۋاتى 9,1 ميلليارد м3 گاز تازارتقىش كەشەنىنىڭ ينفراقۇرىلىمدىق جوباسىمەن قۋاتى 1,25 ميلليون توننا پوليەتيلەن وندىرەتىن ءبىرىنشى ينتەگراتسيالانعان گاز-حيميا كەشەنىن سالۋ سياقتى جوبالاردى ىسكە اسىرۋ مۇناي-گاز جانە حيميا ونىمدەرىن ءوندىرۋ كولەمىن ەداۋىر ۇلعايتۋعا، ءىرى ينۆەستيتسيا تارتۋعا جانە تەڭىز كەن ورنى شيكىزاتىنىڭ بارلىق الەۋەتىن پايدالانۋعا مۇمكىندىك بەرەتىنىن اتاپ وتكەن ءجون.
سونىمەن قاتار گەولوگيالىق بارلاۋ جوبالارىن ىسكە اسىرۋ جانە كەن ورىندارىن يگەرۋ اياسىندا ينۆەستيتسيالاردىڭ جالپى كولەمى شامامەن $10 ميللياردتى قۇرايتىن 7 جوبا كوزدەلگەن.
ونىڭ ىشىندە قالامقاس-تەڭىز جانە حازار كەن ورىندارىن ءوندىرۋ جۇمىستارىنا دايىنداۋ، ورىكتاۋ گاز كوندەنساتى كەن ورنىن دامىتۋ، سونداي-اق قاراتون-پودسوليەۆوي گەولوگيالىق بارلاۋ - نەگىزگى جوبالار.
