ۇكىمەت ءىرى كاسىپورىندارمەن كەلىسسوز جۇرگىزبەكشى
استانا. KAZINFORM - پرەمەر- مينيستر ولجاس بەكتەنوۆ سالىق كودەكسىنىڭ جوباسىن قايتا جازىپ، فيلوسوفياسىن وزگەرتۋ قاجەت دەپ ەسەپتەيدى.
7-اقپانداعى ۇكىمەتتىڭ كەڭەيتىلگەن وتىرىسىندا ايتىلعان تاپسىرمالاردى ىسكە اسىرۋ ماسەلەلەرى جونىندەگى كەڭەستە ول وسىنداي پايىم ايتتى.
«ساراپشىلار مەن بيزنەس قوعامداستىقتاردىڭ پىكىرىن ەسكەرۋ قاجەت. سالىق كودەكسى بيزنەستىڭ بەلسەندى بولۋىنا جاعداي جاساپ، ونى ۇلعايتۋعا ىنتالاندىرۋى كەرەك»، - دەدى ۇكىمەت باسشىسى.
سونداي-اق، ول ونەركاسىپتىڭ دامۋىنا جاڭا سەرپىن بەرۋدى كوزدەيتىن ءبىرقاتار ناقتى مىندەتتەردى بەلگىلەپ، ءبىرىنشى ۆيتسە- پرەمەر رومان سكليارعا 10 كۇن ىشىندە بارلىق ءىرى ونەركاسىپ كاسىپورنى يەلەرىمەن، ءبىرىنشى كەزەكتە ءوندىرۋشى سالالارداعى كاسىپورىندارمەن كەلىسسوزدەر جۇرگىزۋدى تاپسىردى.
«ولار جاقىن ارادا جاڭا جوعارى دارەجەدە وڭدەۋ وندىرىستەرىن قۇرۋدىڭ ناقتى جوسپارلارىن ۇسىنۋلارى كەرەك»، - دەدى ولجاس بەكتەنوۆ.
