كيم چەن ىننىڭ اپكەسى ا ق ش سولتۇستىك كورەيانى ارانداتىپ وتىر دەپ مالىمدەدى

استانا. KAZINFORM - كورەيانىڭ جۇمىس پارتياسى ورتالىق كوميتەتى ءبولىم مەڭگەرۋشىسىنىڭ ورىنباسارى كيم ە چجون «ا ق ش- تىڭ دۇشپاندىق ساياساتى» ك ح د ر- عا ءوزىنىڭ «يادرولىق سوعىستى تەجەيتىن كۇشتەرىن» نىعايتۋعا سەبەپ بەرىپ وتىرعانىن مالىمدەدى، دەپ حابارلايدى كورەيا ورتالىق تەلەگراف اگەنتتىگى.

- ا ق ش جاعدايدى ۋشىقتىراتىن ادەتتەگى ارانداتۋشىلىق ارەكەتتەرىن توقتاتپاي وتىر، - دەلىنگەن ك ح د ر كوشباسشىسىنىڭ اپكەسى كيم ە چجوننىڭ مالىمدەمەسىندە.

ونىڭ اتاپ وتۋىنشە، ا ق ش- تىڭ ستراتەگيالىق اكتيۆتەرىنىڭ كورەي تۇبەگىندە ۇنەمى ورىن الۋى «ءوزىمىزدى-ءوزى قورعايتىن يادرولىق سوعىستى تەجەۋ كۇشتەرىمىزدى نىعايتۋدىڭ وزەكتىلىگىن» تانىتىپ وتىر.

كيم ە چەن 2-ناۋرىزدا ا ق ش اسكەري-تەڭىز كۇشتەرىنىڭ اۋە كەمەسى وڭتۇستىك كورەيانىڭ پۋسان پورتىنا كىرگەنىن ەسكە سالدى.

- ا ق ش اسكەري-تەڭىز كۇشتەرىنىڭ «Carl Vinson» يادرولىق ۇشاق تاسىعىشى باسقاراتىن ەكپىندى توبى «ك ر (كورەيا رەسپۋبليكاسى) جانە ا ق ش اليانسىن كورسەتۋ» جانە «ءوزارا قولدانۋدى كۇشەيتۋ» سىلتاۋىمەن 2-ناۋرىزدا كورەيانىڭ پۋسان وپەراتسيالىق بازاسىنا كىردى، - دەدى ول.

ونىڭ پىكىرىنشە، ا ق ش- تىڭ جاڭا اكىمشىلىگى «بۇرىنعى اكىمشىلىكتىڭ ك ح د ر- عا قارسى دۇشپاندىق ساياساتىن» مۇرا ەتتى.

- ەگەر ا ق ش اسكەري كۇشتەرىن كورسەتۋ بويىنشا رەكوردتى جاڭارتا بەرسە، ءبىز دە ستراتەگيالىق تەجەۋ كۇشتەرىن پايدالانۋ بويىنشا رەكوردتى جاڭارتۋعا ءماجبۇر بولامىز، - دەلىنگەن مالىمدەمەدە.

ول سونداي-اق «دۇشپانداردى» سولتۇستىك كورەيانىڭ ءوزىن قورعاۋ قابىلەتىن سىناماۋعا شاقىردى

- دۇشپاندار ءوز قۇرالدارىنىڭ بارلىق ارسەنالىن پايدالانا وتىرىپ، ءبىزدىڭ ەرىك-جىگەرىمىز بەن مەملەكەتتىڭ ەگەمەندىگى مەن قاۋىپسىزدىك مۇددەلەرىن قورعاۋ قابىلەتىن سىناماۋى كەرەك. بۇل وتە قاۋىپتى ءىس، - دەپ تۇيىندەدى كيم ە چجون.

بۇعان دەيىن حابارلانعانداي، كيم چەن ىن سولتۇستىك كورەيانىڭ يادرولىق قالقانىن نىعايتۋعا شاقىردى.