كيم چەن ىن سولتۇستىك كورەيا ارمياسىن سوعىسقا دايىندالۋعا شاقىردى
سولتۇستىك كورەيا كوشباسشىسى كيم چەم ىن اسكەريلەر مەن قارۋ وندىرۋشىلەردى سوعىسقا دايىندىقتى تەزدەتۋگە شاقىردى، - دەپ حابارلايدى Tengrinews.kz ءتىلشىسى كورەيانىڭ ورتالىق تەلەگراف اگەنتتىگى (كوتا) سايتىنا سىلتەمە جاساپ.
باسقارۋشى ەڭبەك پارتياسىنىڭ ورتالىق كوميتەتى پلەنۋمىندا كيم چەن ىن سولتۇستىك كورەيا ارمياسى مەن اسكەري ونەركاسىپ ىقتيمال سوعىسقا دايىندىق جۇمىستارىن جەدەلدەتۋى كەرەك دەپ مالىمدەدى. ساياساتكەردىڭ ايتۋىنشا، قارۋلى قاقتىعىس قاۋپى ا ق ش پەن ونىڭ وداقتاستارى تاراپىنان «قاقتىعىس ارەكەتتەرىنە» بايلانىستى ارتقان.
«كيم چەن ىن سوعىسقا دايىندىقتى جاقسارتۋدى ودان ءارى جەدەلدەتۋ ءۇشىن كورەي حالىق ارمياسى، اسكەري ونەركاسىپ سالالارى، يادرولىق قارۋ جانە ازاماتتىق قورعانىسقا جاۋىنگەرلىك ميسسيالاردى بەلگىلەدى»، - دەلىنگەن اگەنتتىك مالىمدەمەسىندە.
سونىمەن قاتار، ول 2024-جىلدى بەسجىلدىق جوسپاردى جۇزەگە اسىرۋ ءۇشىن «شەشۋشى جىل» دەپ اتادى.
