08:54, 19 - قاراشا 2024 | GMT +6
كيم چەن ىن سوعىسقا تولىق دايىن بولۋعا شاقىردى
استانا. KAZINFORM - ك ح د ر باسشىسى كورەي حالىق ارمياسىنىڭ قولباسشىلارى مەن ساياسي جەتەكشىلەرىنىڭ كەزدەسۋىندە سوعىسقا دايىن بولۋ كەرەك ەكەنىن ايتتى. بۇل تۋرالى KCNA اگەنتتىگى جازدى.
كيم چەن ىننىڭ ايتۋىنشا، ا ق ش پەن وڭتۇستىك كورەيانىڭ ارەكەتى كورەيا تۇبەگىندە تاريحتاعى ەڭ شيەلەنىستى جاعدايدى تۋدىرعان.
سولتۇستىك كورەيا باسشىسى ايماقتىڭ «الەمدەگى ەڭ ىستىق نۇكتەگە» اينالعانىن تىلگە تيەك ەتتى. ول سونداي- اق سوعىسقا دايىندالۋ جونىندە دە ايتتى.
ەسكە سالا كەتەيىك، بۇعان دەيىن 18- قاراشا كۇنى تاڭەرتەڭ سولتۇستىك كورەيا ءۇش اپتالىق ۇزىلىستەن كەيىن وڭتۇستىك كورەياعا 40 قا جۋىق قوقىس شارىن ۇشىرعانىن حابارلاعان ەدىك.
