ەكىباستۇزدا نە سەبەپتى توتەنشە جاعداي جاريالاندى

پاۆلودار. KAZINFORM - توتەنشە جاعداي مايقايىڭعا سۋ جەتكىزەتىن ۇلكەن قۇبىرداعى اپاتتىڭ سالدارىن جويۋ ماقساتىندا جاريالاندى. جەلىنىڭ زاقىمدالعان بولىكتەرى قالا اۋماعىندا ورنالاسقان.

اتالعان سۋ جەلىسى 1996-جىلى سالىنعان جانە بۇگىنگى تاڭدا ايتارلىقتاي توزىعى جەتكەن.

قۇبىر «ەكىباستۇز قالالىق سۋ ارناسى» كوممۋنالدىق ۇيىمىنىڭ بالانسىندا تۇر.

اشىق ن ق ا پورتالىندا جەرگىلىكتى اۋقىمداعى تەحنوگەندىك سيپاتتاعى توتەنشە جاعداي جاريالاۋ تۋرالى ەكىباستۇز قالاسى اكىمىنىڭ شەشىمى جارىق كوردى.

وندا تەحنوگەندىك سيپاتتاعى توتەنشە جاعدايدى جويۋعا باعىتتالعان ءىس-شارالارعا قالا اكىمىنىڭ ورىنباسارى ەرجان سالحانوۆتىڭ جاۋاپ بەرەتىندىگى ايتىلعان.

پاۆلودار وبلىسى اكىمىنىڭ باسپا ءسوز قىزمەتىنەن حابارلاعانداي، توتەنشە جاعداي قۇبىرداعى اقاۋدى جوندەۋ جۇمىستارى ءۇشىن بيۋجەتتەن قاراجات ءبولۋ ماقساتىندا جاريالانىپ وتىر.

«مايقايىڭ كەنتى مەن بوگاتىر كومىر كەنىشىنە سۋ جەتكىزەتىن قۇبىرداعى اقاۋدى جوندەۋ جۇمىستارى 21- اقپاننان جالعاسۋدا. بارلىعى 143 ادام جانە 60 بىرلىك مامانداندىرىلعان تەحنيكا جۇمىلدىرىلعان. وقيعا ورنىندا جەدەل شتاب ۇيىمداستىرىلعان» دەپ مالىمدەدى باسپا ءسوز قىزمەتىنەن.

ەسكە سالا كەتەيىك، ەكىباستۇزدان مايقايىڭ كەنتىنە اۋىزسۋ جەتكىزەتىن ۇلكەن قۇبىر جارىلدى.

بۇعان دەيىن مايقايىڭدا تەحنوگەندىك سيپاتتاعى توتەنشە جاعداي جاريالاندى.