ەكى وڭىردە جۇك جانە باسقا دا كولىك ءتۇرىنىڭ قوزعالىسى شەكتەلدى

شىعىس قازاقستان وبلىسىندا ساعات 20:00 دەن باستاپ «وسكەمەن - ريددەر – ر ف شەكاراسى» اۆتوجولىنىڭ 15- 105-شاقىرىم ارالىعىندا (بەلوۋسوۆكا كەنتى - ريددەر قالاسى) تىركەمەسى جانە جارتىلاي تىركەمەسى بار جۇك كولىكتەرىنىڭ قوزعالىسىنا شەكتەۋ ەنگىزىلەدى.

ال قاراعاندى وبلىسىندا ساعات 21:00 دەن باستاپ KAZ 15 «قاراعاندى - اياگوز - تارباعاتاي - بوعاس» اۆتوجولىنىڭ 60-265-شاقىرىم ارالىعىندا (بوتاقارا كەنتى - باقتى كەنتى) جازعى دوڭگەلەكپەن جابدىقتالعان بارلىق كولىك ءتۇرىنىڭ قوزعالىسىنا تىيىم سالىنادى.

ەكى جول ۋچاسكەسىندەگى قوزعالىستى دا 2026 -جىلعى 23-قازاندا ساعات 08:00 دە قايتا اشۋ جوسپارلانعان.

جول جاعدايى تۋرالى قوسىمشا اقپاراتتى تاۋلىك بويى جۇمىس ىستەيتىن 1403 بايلانىس ورتالىعىنان الۋعا بولادى.

ەسكە سالايىق، بۇعان دەيىن تۇنگى جانە تاڭعى ۋاقىتتا اقمولا، اباي، الماتى، پاۆلودار، قاراعاندى، جەتىسۋ، سولتۇستىك قازاقستان جانە شىعىس قازاقستان وبلىستارىندا قار ارالاس جاڭبىر مەن قار جاۋىپ، كەي جەرلەردە كوكتايعاق بولاتىنىن حابارلاعانبىز.