ەكى ميلليوننان استام قازاقستاندىقتىڭ جەكە دەرەگى تاراپ كەتكەن
استانا. KAZINFORM - «مەملەكەتتىك تەحنيكالىق قىزمەت» ا ق zaimer.kz («م ق ۇ «ج ش س روبوكەش. ك ز») ميكروقارجى ۇيىمىنىڭ كليەنتتەرى بولىپ تابىلاتىن قازاقستاندىقتاردىڭ 2 ميلليوننان استام جەكە دەرەكتەرىنىڭ تارالۋىن انىقتادى.
بۇل تۋرالى سيفرلىق دامۋ مينيسترلىگىنىڭ باسپا ءسوز قىزمەتى ءمالىم ەتتى.
سيفرلىق دامۋ مينيسترلىگىنىڭ مالىمەتىنشە، 36 ميلليوننان استام Robo.finance پلاتفورماسىندا جۇمىس ىستەيتىن ميكروقارجى ۇيىمدارى كليەنتتەرىنىڭ جەكە دەرەگى تارالىپ كەتكەن. ونىڭ ىشىندە - 23,6 ميلليونى رەسەي فەدەراتسياسى ازاماتتارى بولسا، 5 ميلليون فيليپپيندىك، 2 ميلليون ۆەتنامدىق ازامات بار.
سونداي- اق، «مەملەكەتتىك تەحنيكالىق قىزمەت» ا ق تاراتىلعان دەرەكتەرگە تالداۋ جۇرگىزدى، سيفرلىق دامۋ مينيسترلىگى كليەنتتەردىڭ جەكە باسىن انىقتاۋ ناتيجەلەرى بويىنشا ازاماتتارعا EgovMobile موبيلدى قوسىمشاسى ارقىلى ءتيىستى حابارلامالار جولدايتىن بولادى.
سيفرلىق دامۋ مينيسترلىگى قازاقستاندىقتاردىڭ جەكە دەرەكتەرى تاراعان دەرەكقور وپەراتورلارىنا قاتىستى جوسپاردان تىس تەكسەرۋلەر جۇرگىزۋدى جوسپارلاپ وتىر.
قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىنىڭ تالاپتارىن بۇزعانى ءۇشىن «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 79-بابىنا جانە 641-بابى ءبىرىنشى بولىگىنىڭ 1) تارماقشاسىنا سايكەس اكىمشىلىك جاۋاپكەرشىلىك، سونداي-اق قازاقستان رەسپۋبليكاسى قىلمىستىق كودەكسىنىڭ 147-بابىنا سايكەس قىلمىستىق جاۋاپكەرشىلىك كوزدەلگەن.
