كەي مەكەمە باسشىلارىندا الەۋمەتتىك جاۋاپكەرشىلىك دەگەن جوق - ۆيتسە-پرەمەر

ەلىمىزدە 600 مىڭنان استام ادام قاۋىپتى ورىنداردا جۇمىس ىستەيدى. بۇل تۋرالى Jibek Joly تەلەارناسىنىڭ «ۋادە» باعدارلاماسىنا بەرگەن سۇحباتىندا پرەمەر-ءمينيستردىڭ ورىنباسارى تامارا دۇيسەنوۆا ايتتى، دەپ حابارلايدى Kazinform.

«قازىرگى ۋاقىتتا قاۋىپتى جۇمىس ورىندارىندا 600 مىڭنان استام ادام ەڭبەك ەتىپ ءجۇر. جۇمىس بەرۋشى ولاردىڭ قوسىمشا كاسىبي زەينەتاقى قورىنا جارنا تولەپ وتىرادى. كىم سول جارنانى تولەپ وتىرسا، سول ازاماتتاردىڭ ءبارىنىڭ مۇددەسى قورعالادى. ولارعا ارنالعان ستاندارتتار بار. كيىمى بولۋى ءتيىس. تاڭەرتەڭ جۇمىسقا كەلگەندە دەنساۋلىعىن تەكسەرۋدەن وتكىزۋ قاجەت. قوسىمشا تاماقتانۋى كەرەك. بۇل ەڭبەك مينيسترلىگى تاراپىنان اتقارىلادى. توتەنشە جاعدايلار مينيسترلىگىندە ونەركاسىپتىك قاۋىپسىزدىك كوميتەتى بار. ول سونداعى قۇرال-جابدىقتاردىڭ دۇرىس جۇمىس ىستەۋىن باقىلايدى»، - دەدى تامارا دۇيسەنوۆا.

ونىڭ اتاپ وتۋىنشە، وسىدان 5-6 جىل بۇرىن «ارسەلورميتتال تەمىرتاۋ» كومپانياسى مەن ونەركاسىپتىك قاۋىپسىزدىك كوميتەتى اراسىندا جول كارتاسى قابىلدانعان.

«سول جول كارتاسى اياسىندا كوپ جۇمىس ىستەلدى. جۇمىس ىستەلمەدى دەۋگە بولمايدى. ەڭبەك ينسپەكتسيانىڭ ارقاسىندا «ارسەلورميتتال» ءوز جابدىقتارىن جوندەۋگە 50 ميلليارد تەڭگە قارجى جۇمسادى. سول جۇمىس كارتاسى تولىق ورىندالدى دەپ ايتا المايمىز. سونىڭ جانىندا («ارسەلورميتتال» ءوندىرىس وشاقتارىنىڭ) «قازاقمىس» مەكەمەسى جۇمىس ىستەپ جاتىر. ەكى مەكەمەنىڭ قاۋىپسىزدىك سالاسىندا اتقارعان جۇمىسىن سالىستىرساق، ارينە، جەر مەن كوكتەي. وكىنىشكە قاراي الەۋمەتتىك جاۋپكەرشىلىك كەي مەكەمە باسشىلارىندا بار، كەيبىرىندە جوق»، — دەدى ۆيتسە-پرەمەر.