ەكى التىننان كەيىن قازاقستان ازيا ويىندارىندا مەدالدار كەستەسىندە ون ءبىرىنشى ورىنعا كوتەرىلدى
قىتايدىڭ حاڭجوۋ قالاسىندا ءوتىپ جاتقان ازيا ويىندارىنىڭ مەدالدار كەستەسىندە بۇگىن ەكى التىن جۇلدەدەن كەيىن قازاقستان قۇراماسىنىڭ قاي ورىندا تۇرعانى بەلگىلى بولدى، دەپ حابارلايدى قازاقپارات ءتىلشىسى.

قازىر ەل قۇراماسى ەنشىسىندە 56 مەدال (7 التىن، 12 كۇمىس، 37 قولا) بار. مەدالدار كەستەسىندە 11-ورىندا تۇر.
بۇل جونىنەن قىتاي 323 مەدال الىپ، (174 التىن، 96 كۇمىس، 53 قولا) كوش باستاعان. ودان كەيىنگى ورىندار جاپونيا (147 مەدال: 37 التىن، 51 كۇمىس، 59 قولا)، وڭتۇستىك كورەيا (150 مەدال: 33 التىن، 45 كۇمىس، 73 قولا) ەنشىسىندە.
ايتا كەتسەك، بۇعان دەيىن ازيا ويىندارىندا كوماندالىق سايىستا قازاقستاندىق ەۆگەني فەدوروۆ چەمپيون اتاندى.
ال ەكىنشى ورىن تاعى ءبىر قازاقستاندىق الەكسەي لۋتسەنكوعا بۇيىردى.
سونداي-اق، دجيۋ-دجيتسۋدەن نۇرجان باتىربەكوۆ 69 كەلىگە دەيىنگى سالماقتا جەڭىس تۇعىرىنا كوتەرىلدى.