كوز جاۋىن الاتىن كونتەنت: الەمدەگى ەڭ «تارتىمدى» 10 كىتاپ دۇكەنى
كىتاپ دۇكەندەرى ەندى الەۋمەتتىك جەلى كونتەنتىن جاسايتىن ەرەكشە تارتىمدى ورىنعا اينالدى. جاقىندا Awesome Books اتتى ەكولوگيالىق تازا ونىمدەر ساتۋمەن اينالىساتىن كومپانيا الەمدەگى ەڭ Instagram-عا سالۋعا لايىق كىتاپ دۇكەندەرىنىڭ رەيتينگىن جاريالادى. رەيتينگ دۇكەندەردىڭ اتاۋى بويىنشا Instagram-دا بەلگىلەنگەن جازبالار سانىنا نەگىزدەلىپ جاسالعان.
ءبىرىنشى ورىندى لوس-اندجەلەستەگى The Last Bookstore يەلەندى. بۇل دۇكەن ءوزىنىڭ ەسكى كىتاپتاردان جاسالعان «كىتاپ پورتالىمەن» تانىمال. سونداي-اق مۇندا جەرگىلىكتى سۋرەتشىلەردىڭ جۇمىستارى مەن ۆينيل پلاستينكالار دا بار. Instagram-دا 113 مىڭنان استام جازبادا اتالىپ وتكەن جانە دۇكەننىڭ رەسمي پاراقشاسىنىڭ 156 مىڭ جازىلۋشىسى بار.
ەكىنشى ورىنداعى پورتوداعى Livraria Lello دۇكەنى - نەوگوتيكالىق ستيلدەگى پورتۋگاليانىڭ ەڭ كونە كىتاپ دۇكەندەرىنىڭ ءبىرى. ونىڭ ىشكى ساۋلەتى مەن كوز تارتارلىق باسپالداقتارى جازۋشى دجوان روۋلينگكە حوگۆارتس مەكتەبىنىڭ بەينەسىن ەلەستەتۋگە شابىت بەرگەن دەگەن پىكىر بار.
ءۇشىنشى ورىن پاريجدەگى Shakespeare and Company دۇكەنىنە بۇيىردى. 1951 -جىلى امەريكالىق بوحەمالىق دجوردج ۋيتمەن اشقان بۇل دۇكەن بۇگىندە ءاعىلشىنتىلدى جازۋشىلار مەن وقىرمانداردىڭ سۇيىكتى ورنىنا اينالعان. مۇندا ەسكى باسپا ماشينكالارى، ەدەننىڭ سىقىرى، ەركىن وينايتىن فورتەپيانو جانە دۇكەن ىشىندەگى مىسىقتار ەرەكشە اتموسفەرا قالىپتاستىرادى.
التىنشى ورىندى ۆەنەتسياداعى Libreria Acqua Alta دۇكەنى يەلەندى. ەرەكشە ديزاينداعى بۇل دۇكەندە كىتاپتار ۆاننالارعا، سۋ وتكىزبەيتىن جاشىكتەرگە جانە ءتىپتى بولمەدە تۇرعان گوندولاعا سالىنعان. مۇنداي شەشىم سۋ تاسقىنى قاۋپى جوعارى ۆەنەتسيادا دۇكەندى ساقتاۋ ءتاسىلى رەتىندە قابىلدانعان. ايتا كەتەرلىگى، دۇكەن اتاۋى «جوعارى سۋدىڭ كىتاپحاناسى» دەگەن ماعىنا بەرەدى.
تىزىمگە ەۋروپادان تاعى ءۇش دۇكەن ەنگەن - لوندون، پاريج، پورتو جانە ۆەنەتسيا قالالارىنان. بۇل دۇكەندەر تەك كىتاپ ساتۋ ورنى عانا ەمەس، سونىمەن قاتار، تۋريستەر ءۇشىن ەرەكشە فوتوزونا مەن مادەني ورىن رەتىندە باعالانادى.
الەمدەگى ەڭ تارتىمدى 10 كىتاپ دۇكەنىنىڭ تولىق ءتىزىمى:
1. The Last Bookstore، لوس-اندجەلەس
2. Livraria Lello، پورتو
3. Shakespeare and Company، پاريج
4. BookPeople، تەحاس
5. Powell’s Books، ورەگون
6. Libreria Acqua Alta، ۆەنەتسيا
7. National Book Store ،Metro Manila
8. Strand Book Store، نيۋ-يورك
9. Daunt Books، لوندون
10. Books Actually، سينگاپۋر
