كوۆيد ىندەتى: قازاقستاندىقتار جاپپاي ماسكا تاعا ما

استانا. KAZINFORM - پاريج وليمپياداسىنان ورالعان ءبىرقاتار قازاقستاندىق سپورتشىدان كوۆيد ىندەتى انىقتالىپ، مەملەكەت باسشىسىمەن كەزدەسۋ كەيىنگە شەگەرىلگەنى بەلگىلى.

وسى رەتتە، قوعامدا «ىندەت ءورشىپ جاتىر، بارلىعى جاپپاي ماسكا تاعۋى ءتيىس» دەگەن ماندەگى ءتۇرلى الىپ-قاشپا اڭگىمەلەر ايتىلا باستادى. بۇل ماسەلەگە ق ر دەنساۋلىق ساقتاۋ ءبىرىنشى ۆيتسە- ءمينيسترى تيمۋر سۇلتانعازيەۆ تۇسىنىكتەمە بەردى.

«ەلىمىزدە كورونوۆيرۋس ينفەكسياسىنا بايلانىستى جاعداي تۇراقتى. مەديتسينالىق نىسانداردىڭ قىزمەتكەرلەرى عانا ماسكا تاعۋعا مىندەتتەلگەن. ەمدەلۋشىلەردىڭ ماسكا تاعۋ ياكي تاقپاۋى ءوز ەركىندە»، - دەدى ول.

ايتا كەتەيىك، ق ر مەملەكەتتىك باس دارىگەرىنىڭ م. ا. 2024 -جىلعى 16-تامىزداعى №7 «2024-2025 -جىلعى ەپيدەميالىق ماۋسىمدا تۇماۋ، وتكىر رەسپيراتورلى ۆيرۋستى ينفەكسيا (جرۆي) جانە كوروناۆيرۋس ينفەكتسياسى (COVID-19) بويىنشا سانيتارلىق- پروفيلاكتيكالىق، سانيتارلىق- ەپيدەمياعا قارسى ءىس- شارالار وتكىزۋ تۋرالى» قاۋلىعا قول قويدى.

قاۋلىدا جرۆي، تۇماۋ جانە COVID-19 بويىنشا ەپيدەميالىق ماۋسىم مەرزىمىنە پروفيلاكتيكالىق جانە ەپيدەمياعا قارسى ءىس-شارالار، سونىڭ ىشىندە:

- 2024 -جىلدىڭ 1-قىركۇيەگىنەن باستاپ تۇماۋعا قارسى ۆاكسيناتسيا جۇرگىزۋ؛

- مەديتسينالىق ۇيىمداردا: كىرەبەرىستى «سۇزگى» جۇمىسىمەن قامتاماسىز ەتۋ، بەتپەردە تاعۋ، انتيسەپتيكتەردىڭ بولۋى؛

- جرۆي، تۇماۋ بايقالعان ءبىر جاسقا دەيىنگى سابيلەر مەن جۇكتى ايەلدەردىڭ ۇيگە شاقىرتۋىنا ءبىرىنشى كەزەكتە قىزمەت كورسەتۋ قاراستىرىلعان.