كونگودا 66 سارباز «قورقاقتىعى» ءۇشىن ءولىم جازاسىنا كەسىلدى
استانا. KAZINFORM - كونگو دەموكراتيالىق رەسپۋبليكاسىندا 66 سارباز قورقاقتىق، بۇلىكشىلىك جانە بۇيرىقتارعا باعىنباۋ ايىپتارىمەن ءولىم جازاسىنا كەسىلدى. بۇل تۋرالى BBC حابارلادى.
جەرگىلىكتى ب ا ق- تىڭ جازۋىنا قاراعاندا، ساربازدار 20-قازاندا ۆاليكالەدە ۇستالعان. 71 سارباز سوتتالدى. 4 ەۋى اقتالىپ، 1 ەۋى 10 جىلعا باس بوستاندىعىنان ايىرىلدى.
ساربازدارعا ايماقتاعى ونداعان جىلدارعا سوزىلعان قارۋلى قاقتىعىس كەزىندە جاۋىنگەرلىك پوزيتسيالارىن تاستاپ، قاشىپ كەتتى دەپ ايىپ تاعىلعان.
ارميا بۇل سوت پروتسەسى ساربازدار اراسىنداعى ءتارتىپتى نىعايتۋعا باعىتتالعانىن مالىمدەدى.
جەرگىلىكتى ارميا ءتارتىپتىڭ ناشارلىعى مەن ۇيىمداستىرۋشىلىق ماسەلەلەر ءۇشىن ۇنەمى سىنعا ۇشىراپ كەلەدى. دەگەنمەن، ساربازداردىڭ وزدەرى جالاقىنىڭ تومەندىگى مەن لوگيستيكالىق قولداۋدىڭ جەتكىلىكسىزدىگىنە شاعىمدانادى. وتكەن ايدا كوتەرىلىسشىلەرمەن قاقتىعىس كەزىندە مايدان شەبىنەن شەگىنگەنى ءۇشىن 27 اسكەري قىزمەتكەر وسىنداي ايىپتار بويىنشا ءولىم جازاسىنا كەسىلگەن.
ەسكە سالا كەتەيىك، 2024-جىلدىڭ ناۋرىز ايىندا كونگو دەموكراتيالىق رەسپۋبليكاسىنىڭ بيلىگى ءولىم جازاسىنا ەنگىزىلگەن 20 جىلدىق موراتوريدىڭ كۇشىن جويدى. ۇكىمەت بۇل شەشىمگە قارۋلى كۇشتەردەگى وپاسىزدىقپەن كۇرەسۋ قاجەتتىلىگىن سەبەپ ەتىپ كورسەتەدى. سونداي-اق، قارۋلى توپتاردىڭ مۇشەلەرىنە، كوتەرىلىستەرگە، وپاسىزدىققا جانە سوعىس قىلمىستارىنا قاتىسقان ادامدارعا ءولىم جازاسى قاراستىرىلعان.
ءولىم جازاسىن قالپىنا كەلتىرۋ تۋرالى شەشىمدى ادام قۇقىقتارى ۇيىمدارى سىناپ وتىر.
فرانسيانىڭ RFI تەلەارناسىنىڭ مالىمەتى بويىنشا، 2025-جىلدىڭ باسىنان بەرى كونگو دەموكراتيالىق رەسپۋبليكاسىندا كەمىندە 507 اسكەري قىزمەتكەر سوتتالعان، ولاردىڭ 381 ءى ءولىم جازاسىنا كەسىلگەن.
ەسكە سالا كەتەيىك، ا ق ش- تا سوڭعى 60 جىلدا العاش رەت اسكەري قىزمەتشىنى ءولىم جازاسىنا كەسۋ ۇكىمى ماقۇلداندى.
