16:10, 28 - قازان 2023 | GMT +6
كوستەنكو شاقتاسىنداعى اپات: 28 كەنشىنىڭ دەنەسى تابىلدى، 18 ادام ىزدەستىرىلىپ جاتىر
قاراعاندى وبلىسىنداعى اپات بولعان شاحتادا 18 ادام ىزدەستىرىلىپ جاتىر. بۇل تۋرالى كاسىبي اسكەريلەندىرىلگەن اپاتتىق-قۇتقارۋ قىزمەتتەرىنىڭ رەسپۋبليكالىق ورتالىق شتابى قاراعاندى فيليالىنىڭ ديرەكتورى گەننادي سيلينسكي ايتتى، دەپ حابارلايدى Kazinform ءتىلشىسى وقيعا ورنىنان.
«ءدال قازىر ءبىزدىڭ فيليالدىڭ بولىمشەسى شاحتادان شىعا الماي قالعان كەنشىلەردى ىزدەستىرىپ جاتىر. بىزگە ەندى 18 ادامدى تابۋ كەرەك. قازا بولعان 28 شاحتەردىڭ دەنەسى انىقتالدى. ولاردى شاحتادان شىعارۋ جۇمىستارى باستالدى. سونىمەن قاتار، جارالانعان 5 ادامدى قۇتقارۋ مۇمكىن بولدى»، - دەدى گ. سيلينسكي Kazinform تىلشىسىنە بەرگەن سۇحباتىندا.
