كوستەنكو شاحتاسىندا قازا بولعاندار سانى 45 كە جەتتى
قاراعاندى وبلىسىنىڭ كوستەنكو شاحتاسىندا قازا تاپعاندار سانى 45 كە جەتتى دەپ حابارلايدى Kazinform ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.
ساعات 20.00 دەگى جاعداي بويىنشا 45 ادامنىڭ دەنەسى تابىلدى، 1 كەنشىنى ىزدەۋ جالعاسۋدا.
جۇمىستار ءبىر-بىرىنەن شامامەن 6 ك م قاشىقتىقتا ورنالاسقان ەكى ءوندىرۋ ۋچاسكەسى اۋدانىندا جۇرگىزىلۋدە.
كەنشىلەر ورنالاسۋى مۇمكىن ىقتيمال ۋچاسكەلەرگە تاۋ-كەن قۇتقارۋشىلارىنىڭ ءوتۋىنىڭ بارلىق مۇمكىن جولدارى پىسىقتالۋدا.
اپاتتىڭ بولجامدى ەپيتسەنترىن تەكسەرۋ ءۇشىن ت ج ءمينيسترى سىرىم ءشارىپحانوۆ شاحتاعا ءتۇستى.
تەكسەرۋ بارىسىندا ءورت پەن جارىلىستىڭ اسەرىنە ۇشىراعان قازبالار قارالدى، وندا:
- شاحتا جابدىعىنىڭ بۇزىلۋى جانە جىلجۋى؛
- مەتالل-اركالى بەكىتۋ ەلەمەنتتەرىندەگى شاڭ شوگىندىلەرى؛
- جەلدەتۋ قۇرىلىستارىنىڭ زاقىمدانۋى انىقتالدى.
كوزگە كورىنەتىن جانۋ وشاقتارى جوق، گاز جاعدايى قالىپتى.
سونىمەن قاتار، سىرىم ءشارىپحانوۆ اۆاريانى تەرگەۋ جونىندەگى ۇكىمەتتىك كوميسسيا مۇشەلەرىمەن وتىرىس وتكىزدى.
جۇمىستاردى جان-جاقتى قامتاماسىز ەتۋ توتەنشە جاعدايلار ءمينيسترىنىڭ جەكە باقىلاۋىندا. جۇمىس جالعاسۋدا.