كوستەنكو شاحتاسىندا 33 ادام قازا بولعانى انىقتالدى
سوڭعى دەرەككە ساي، كوستەنكو شاحتاسىندا 33 ادام قازا بولعانى انىقتالدى، دەپ حابارلايدى Kazinform ءتىلشىسى رۋسلان عابباسوۆ وقيعا ورنىنان.
16:00 دەگى جاعداي بويىنشا، 32 كەنشىنىڭ مەرت بولعانى حابارلانعان ەدى.
شاحتادا 33 ادام قازا بولعانى انىقتالدى. بۇل تۋرالى كاسىبي اسكەريلەندىرىلگەن اپاتتىق-قۇتقارۋ قىزمەتتەرىنىڭ رەسپۋبليكالىق ورتالىق شتابى قاراعاندى فيليالى ديرەكتورىنىڭ ءبىرىنشى ورىنباسارى گەننادي سيلينسكي مالىمدەدى.
«جالپى شاحتاداعى 33 ادامدى تاپتىق. 13 كەنشىنى ىزدەستىرىپ جاتىرمىز. قۇتقارۋشىلار ونداعى ءورتتى اۋىزدىقتادى. زارداپ شەككەندەردى اپات بولعان ۋچاسكەدەن شىعارعاننان كەيىن، بار كۇش-جىگەردى شاحتانىڭ شىعىس بولىگىندەگى جۇمىستارعا باعىتتايمىز ، - دەدى گ. سيلينسكي Kazinform تىلشىسىنە بەرگەن سۇحباتىندا.
ونىڭ ايتۋىنشا، قازا بولعان شاحتەرلەردىڭ ءبىرازىنىڭ اتى-ءجونى ءالى ناقتىلانباعان.
«ولاردىڭ دەنە مۇشەلەرىنە قاتتى زاقىم كەلگەن. سوندىقتان ناقتى انىقتاۋ قيىنداۋ بولىپ تۇر»، - دەدى فيليال ديرەكتورىنىڭ ءبىرىنشى ورىنباسارى.
