كورەيادا 72 مىڭنان استام كولىك كەرى قايتارىلادى

Кореяда 72 мыңнан астам көлік кері қайтарылады
Фото: Виктор Федюнин/Kazinform

Tesla Korea, Hyundai Motor Co. جانە تاعى ءتورت ءوندىرۋشىنىڭ 72 مىڭنان استام كولىگى كەرى قايتارادى. بۇعان كولىك بولشەكتەرىندەگى اقاۋ سەبەپ بولعان.

Kazinform اگەنتتىگى بۇل تۋرالى Yonhap اقپارات اگەنتتىگىنە سىلتەمە جاساپ حابارلايدى.

Tesla شىعارعان شامامەن 63991 كولىكتە، سونىڭ ىشىندە Y مودەلىندەگى اۆتوپيلوت جۇيەسىندە باعدارلامالىق قاتە، ال Model X- ءتىڭ شامامەن 1990 بىرلىگىنەن سوقتىعىسقان جاعدايدا ەسىكتى قۇلىپتاۋ مەحانيزمىندە اقاۋلار بولعانى انىقتالدى.

Hyundai كولىگىنىڭ 2400 گە جۋىق بىرلىگى، سونىڭ ىشىندە G80 مودەلىنىڭ ارتقى دوڭگەلەگىنىڭ جەتەك بىلىگىنەن اقاۋ شىقتى. بۇل كولىكتەردىڭ قوزعالىس كەزىندە توقتاپ قالۋىنا اكەپ سوقتىرۋى مۇمكىن ەدى.

Ford Mustang ماركالى 2156 كولىك تەجەگىش سۇيىقتىعى از بولعان كەزدە ەسكەرتۋدى دۇرىس بەرە المادى.

Nissan-نىڭ 1100 گە جۋىق كولىگىندە، سونىڭ ىشىندە Altima 2.0 مودەلىندە ارتقى كورىنىس كامەراسىندا پروبلەمالار بولدى.

Kia Seltos اۆتوكولىگىنىڭ 922 بىرلىگى قاۋىپسىزدىك كوپشىگى جۇيەسىندەگى اقاۋلارعا بايلانىستى كەرى قايتارىلدى، Honda Odyssey ماركالى 49 مينيۆەندا قوزعالتقىش بولىكتەرىندە اقاۋ بار ەكەنى ەكەنى انىقتالدى.

سوڭعى جاڭالىقتار