كورەيا تاريحىندا نەشە پرەزيدەنت ءىستى بولعان

استانا. KAZINFORM - وڭتۇستىك كورەيانىڭ ساياسي تاريحىندا ءىستى بولعان پرەزيدەنتتەر بارشىلىق. ءبىرى تەك يمپيچمەنتپەن قۇتىلسا، ىشىندە ءولىم جازاسىن ارقالاعاندارى دا بار.

قازىرگى پرەزيدەنت يۋن سوك ەلگە يمپيچمەنت جاريالانعانى تۋرالى اقپارات شىققاننان بەرى حالىقارالىق ساياسي باسىلىمداردىڭ ءبارى «تاڭعى جۇپار ەلىنىڭ» تاريحىنداعى اتىشۋلى پرەزيدەنتتەردىڭ ساياسي عۇمىرناماسىن جارىسا جازىپ جاتىر.

Kazinform ءتىلشىسى بۇل وقيعاعا شولۋ جاسادى.

وڭتۇستىك كورەيا حالقىنىڭ، مەملەكەتتىك جۇيەسىنىڭ دەموكراتيا قۇندىلىقتارىنا ادالدىعىن بىرنەشە پرەزيدەنتىن سوتقا تارتقانىنان-اق كورۋگە بولادى. اسكەرگە ارقا سۇيەپ بيلىك قۇرعان چون دۋ حۆان مەن رو دە ۋ ول ءتىزىمنىڭ باسىندا تۇر.

چون دۋ حۆان 1979-جىلى اسكەري توڭكەرىسكە قاتىسىپ، كۆاندجۋ قالاسىندا ەرەۋىلشىلەردى اتقانى ءۇشىن ءولىم جازاسىنا كەسىلىپ، كەيىن ءومىر بويىنا باس بوستاندىعىنان ايىرىلادى. اقىرى ءتىپتى راقىمشىلىققا ىلىنەدى. ال رو دە ۋ اۋەلى 22 جىلعا سوتتالىپ، كەيىن ول دا راقىمشىلىققا ىلىگەدى.

نو مۋ حەن ەسىمدى پرەزيدەنت 2008-جىلى اعاسىنىڭ ۇستىنەن قوزعالعان سىبايلاس جەمقورلىقپەن بايلانىستى ىسكە كۋاگەر رەتىندە تارتىلىپ، وزىنە قول سالادى. ال 2018-جىلى بۇرىنعى پرەزيدەنت لي مەن باك تۋىسقانىنىڭ سىبايلاس جەمقورلىقپەن ۇستالۋىنا بايلانىستى 15 جىلعا باس بوستاندىعىنان ايىرىلدى. ءدال وسى جىلى 1979-جىلى ولتىرىلگەن پرەزيدەنت پاك چون حيدىڭ قىزى پاك كىن حە سىبايلاس جەمقورلىققا ۇرىنىپ، مەملەكەتتىك قۇپيانى جاريا ەتكەنى ءۇشىن 24 جىلعا سوتتالعان.

ەسكە سالساق، ەلدەگى ساياسي احۋالدىڭ سالدارىنان كەشە تۇستەن كەيىن وڭتۇستىك كورەيانىڭ قورعانىس ءمينيسترى وتستاۆكاعا كەتكەن ەدى.

3-جەلتوقساندا وڭتۇستىك كورەيا پرەزيدەنتى يۋن سوك ەل ەلدە اسكەري جاعداي ەنگىزىلەتىنىن حابارلاعاننان كەيىن ساياسي اۋحال شيەلەنىسكەن بولاتىن.

سونداي-اق، سىرتقى ىستەر ءمينيسترىنىڭ ورىنباسارى الىبەك باقايەۆ ساياسي احۋالى شيەلەنىسكەن وڭتۇستىك كورەيا مەن گرۋزياداعى قازاقستاندىقتاردىڭ قاۋىپسىزدىگى تۋرالى پىكىر ءبىلدىردى.