كورەيا پرەزيدەنتى قازاقستاننان سوڭ وزبەكستانعا مەملەكەتتىك ساپارمەن باردى

تاشكەنت. KAZINFORM - وڭتۇستىك كورەيا پرەزيدەنتى يۋن سوك ەلدىڭ وزبەكستانعا مەملەكەتتىك ساپارى باستالدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

كورەيا باسشىسى مەن ونىڭ جۇبايىن اۋەجايدان وزبەكستاننىڭ پرەمەر-ءمينيسترى ابدۋللا اريپوۆ قارسى الدى.

ساپار بارىسىندا يۋن سوك ەل تاشكەنتتە وزبەكستان باسشىسى شاۆكات ميرزيەيەۆپەن كەزدەسۋ وتكىزبەك. ونىڭ قورىتىندىسى بويىنشا بىرلەسكەن قۇجاتقا قول قويۋ جوسپارلانعان.

كەيىن ەكى ەل باسشىلارى وزبەك-كورەي بيزنەس فورۋمىنا قاتىسادى، سونداي-اق بىلتىر كورەيا حالىقارالىق ىنتىماقتاستىق اگەنتتىگىنىڭ (KOICA) قولداۋىمەن اشىلعان u-Enter يننوۆاتسيالىق كاسىپكەرلىك ورتالىعىنىڭ جۇمىسىمەن تانىسادى.

بۇعان قوسا، وڭتۇستىك كورەيا مەن وزبەكستان اراسىنداعى ماڭىزدى شيكىزاتتى جەتكىزۋ جونىندەگى ىنتىماقتاستىق ماسەلەلەرى تالقىلانباق.

ساپار سوڭىندا يۋن سوك ەل جۇبايى كيم كون حيمەن بىرگە سامارقاند قالاسىنا بارادى.

ەسكە سالساق، 11-13-ماۋسىم كۇندەرى كورەيا پرەزيدەنتى يۋن سوك ەل قازاقستانعا مەملەكەتتىك ساپارمەن كەلگەن ەدى.