كورەي كوسمەتيكاسىنىڭ ەكسپورتى رەكوردتىق دەڭگەيگە جەتتى

استانا. KAZINFORM - وڭتۇستىك كورەيانىڭ كوسمەتيكالىق ونىمدەر ەكسپورتى 2024 -جىلدىڭ ءبىرىنشى توقسانىندا وتكەن جىلمەن سالىستىرعاندا %20 دان استى، دەپ جازادى Yonhap.

كورەيا كەدەن قىزمەتىنىڭ مالىمەتىنە سايكەس، وڭتۇستىك كورەيانىڭ كوسمەتيكا ەكسپورتى قاڭتار- ناۋرىز كەزەڭىندە 2,3 ميلليارد دوللار بولدى، بۇل وتكەن جىلمەن سالىستىرعاندا %21,7 عا كوپ.

بۇل - وسى كەزگە دەيىنگى بارلىق ءبىرىنشى توقساندارداعى ەڭ جوعارى دەڭگەي.

ءبىرىنشى توقساندا تاۋارلاردىڭ باسىم بولىگى قىتايعا جونەلتىلدى. ونداعى ەكسپورت 610 ميلليون دوللارعا جەتتى. ودان كەيىن ا ق ش - 380 ميلليون دوللار، جاپونيا 240 ميلليون دوللار جانە ۆەتنام 150 ميلليون دوللار كورسەتكىشكە يە بولدى.

دەرەكتەرگە سۇيەنسەك، وسى ۋاقىت ارالىعىندا وڭتۇستىك كورەيا كوسمەتيكاسى الەمنىڭ 175 ەلىندە ساتىلعان.

اۆتور
ەركەجان سماعۇلوۆا