كوروناۆيرۋستىڭ جاڭا ءتۇرى جىلدام تاراپ جاتىر

استانا. KAZINFORM - كوروناۆيرۋستىڭ جاڭا ءتۇرى جىلدام تاراپ بارادى. عالىمدار الەمدە اۋىر ىندەتتىڭ تاعى ءبىر تولقىنى باستالۋى مۇمكىن دەپ دابىل قاعىپ جاتىر. ويتكەنى كوۆيدتىڭ ح ە س شتامى گەرمانيادا تىركەلىپ ۇلگەرگەن، - دەپ حابارلايدى ك ت ك تەلەارناسى.

كوروناۆيرۋستىڭ جاڭا ءتۇرىن ۇلى بريتانيا، ا ق ش، دانيا ەلىنىڭ ازاماتتارى دا جۇقتىرعان. امەريكالىق عالىمدار بۇل ۆيرۋستىڭ بۇرىنعىلاردان قاۋىپتىرەك ءارى ول تەز جۇعاتىنىن ايتىپ جاتىر.

عالىمدار ازاماتتارعا قازىر قولدانىستا بار ۆاكسينالاردى ەكتىرىپ، الدىن الا قامدانۋعا شاقىرادى. ويتكەنى سىرقاتتىڭ جاڭا ءتۇرى، اسىرەسە قىستا ءورشيدى.

«كوروناۆيرۋستىڭ جاڭا شتامدارى ۇنەمى پايدا بولىپ وتىرادى. ءبىز كوۆيدتىڭ ەشقايدا كەتپەيتىنىن ءتۇسىنۋىمىز كەرەك. ويتكەنى ۆيرۋس مۋتاتسياسىمەن سيپاتتالادى. ياعني مەزگىل-مەزگىل پايدا بولۋى مۇمكىن. وتكەن اپتادا ەلىمىزدە 25 ناۋقاس ستاتسيوناردا مەديتسينالىق كومەككە جۇگىنگەن. ءبىز، بۇرىنعىداي، حالىقتان سىناما الىپ، كوۆيد-19 قوزدىرعىشتارىنىڭ بار-جوعىنا زەرتتەۋ جۇرگىزدىك. قانداي شتام اينالىمدا ەكەنىن انىقتادىق. ازىرشە حالىقتىڭ الاڭداۋىنا ەش سەبەپ جوق»، - دەيدى ق ر دەنساۋلىق ساقتاۋ مينيسترلىگى سانيتارلىق-ەپيدەميولوگيانى باقىلاۋ كوميتەتىنىڭ باسقارما باسشىسى روزا قوجاپوۆا.

ەسكە سالايىق، قازاقستاندا كوروناۆيرۋس ەڭ العاش 2020-جىلدىڭ 13-ناۋرىزىندا تىركەلگەن بولاتىن. سول جىلى 16-ناۋرىزدا العاشقى توتەنشە جاعداي رەجيمى جاريالاندى.

سوڭعى دەرەكتەر بويىنشا، قازاقستاندا 1,5 ميلليونعا جۋىق ادام كوروناۆيرۋس جۇقتىرسا، ونىڭ 19 مىڭعا جۋىعى قايتىس بولعان.