كورشى رەسەيدە ادىراسپانعا تىيىم سالىندى

адыраспан
Фото: Dzen.ru

استانا. KAZINFORM - قازاقستاننىڭ ىشكى ىستەر مينيسترلىگى ەلىمىزدىڭ ازاماتتارىن كورشى رەسەيگە ادىراسپان الىپ بارۋعا بولمايتىنىن ەسكەرتتى.

«بيىل اقپان ايىنان باستاپ رەسەي فەدەراتسياسىندا گارمالا دەگەن وسىمدىك، ياعني جالپاق تىلمەن ايتقاندا ادىراسپان تىيىم سالىنعان وسىمدىكتەر قاتارىنا ەنگىزىلدى. ونى سول ەلگە اپارعانى ءۇشىن قىلمىستىق جاۋاپكەرشىلىك قاراستىرىلعان. 1 ميلليون رۋبلگە دەيىن ايىپپۇل نەمەسە 7 جىلعا دەيىن باس بوستاندىعىنان ايىرۋ جازاسى ەسكەرىلگەن» ، - دەدى ىشكى ىستەر مينيسترلىگىنىڭ رەسمي وكىلى شىڭعىس الەكەشيەۆ ۆەدومستۆودا وتكەن اپتالىق بريفينگىدە.

ونىڭ ايتۋىنشا، كورشى ەلگە اسا ءىرى مولشەردە اپارعاندارعاندارعا 15 جىلدان 20 جىلعا دەيىن باس بوستاندىعىنان ايىرۋ جازاسى بار.

«سوندىقتان، ىشكى ىستەر مينيسترلىگى شەتەلگە شىعۋدى جوسپارلاپ وتىرعان قازاقستان ازاماتتارىنا باراتىن ەلدىڭ زاڭىن ءبىلىپ جۇرۋگە كەڭەس بەرەدى. شەت مەملەكەتتەردىڭ اۋماعىندا تىيىم سالىنعان وسىمدىكتەر مەن دارىلىك پرەپاراتتارعا نازار اۋدارۋ قاجەت. ءوز ساپارىڭىزعا جاۋاپكەرشىلىكپەن قاراڭىزدار»، - دەدى رەسمي وكىل.

سوڭعى جاڭالىقتار