كورپەدەن ءبىر اياقتى شىعارىپ جاتۋ تەزىرەك ۇيىقتاپ كەتۋگە كومەكتەسەدى

Journal of Physiological Anthropology جۋرنالىندا جاريالانعان زەرتتەۋگە سايكەس، كورپەدەن ءبىر اياقتى شىعارىپ جاتۋ تەزىرەك ۇيىقتاۋعا كومەكتەسەدى.

عالىمداردىڭ ايتۋىنشا، بۇل اسەر دەنە تەمپەراتۋراسىنىڭ رەتتەلۋىنە بايلانىستى. اعزا ۇيقىعا كەتەر الدىندا ءسال سالقىنداۋى كەرەك: بۇل مەلاتونين اتتى ۇيقى گورمونىنىڭ بولىنۋىنە ىقپال ەتەدى. ال ادام دەنەسىندە جىلۋدى ەڭ كوپ شىعاراتىن جەردىڭ ءبىرى - تابان، سەبەبى وندا كوپ قان تامىرلارى شوعىرلانعان. اياق سالقىن اۋامەن جاناسقاندا دەنە تەمپەراتۋراسى تەزىرەك تومەندەپ، ادام تەز ۇيقىعا كەتەدى.

زەرتتەۋشىلەر بۇل ءتاسىلدىڭ قاراپايىم ءارى كۇش جۇمساۋدى قاجەت ەتپەيتىنىن ايتادى: كورپەنىڭ شەتىن ءسال كوتەرىپ، ءبىر اياقتى سىرتقا شىعارۋ جەتكىلىكتى. كوپ ادام مۇنى بۇرىننان ينستينكتيۆتى تۇردە ىستەيتىن، ەندى ونىڭ عىلىمي نەگىزى دە دالەلدەنىپ وتىر. بۇل ادەت كەشكى ۋاقىتتا ۇيقىعا دايىندىقتىڭ ءتيىمدى ءبىر بولىگىنە اينالۋى مۇمكىن.