كونگونىڭ گوما قالاسىندا 770 تەن استام ادام ءولتىرىلدى

استانا. KAZINFORM - كونگو دەموكراتيالىق رەسپۋبليكاسىنىڭ شىعىسىنداعى سولتۇستىك كيۆۋ پروۆينتسياسىنىڭ استاناسى گوما قالاسىنا 26-قاڭتاردان بەرى «23-ناۋرىز قوزعالىسى» (M23) اتتى توپ جاقتاستارى كىرگەننەن بەرى قازا بولعاندار سانى 773 كە جەتتى، دەپ حابارلادى Reuters اگەنتتىگى.

Гома
فوتو: report.az

ەلدىڭ دەنساۋلىق ساقتاۋ مينيسترلىگى تاراتقان اقپاراتقا سۇيەنسەك، مارقۇمدار جايلى اقپارات قالاداعى اۋرۋحانالار مەن ءمايىتحانالاردان الىنعان. ءمايىتحانالاردىڭ ءىشى تولىپ كەتكەندىكتەن گوما كوشەلەرىندە ءالى دە ادام دەنەلەرى كوپ جاتىر. ءبىر كۇن بۇرىن ب ۇ ۇ وكىلى گومادا 700 ادام ءولىپ، 2800 ادام جارالانعانىن حابارلاعان.

M23 جاقتاستارى قالانى تولىق دەرلىك جاۋلاپ الدى. تەك سولتۇستىك ايماقتاردا عانا اتىستار بولىپ جاتىر. قالانىڭ وڭتۇستىك اۋداندارىندا 30-قاڭتاردا ۇيلەرگە ەلەكتر جارىعى مەن سۋ بەرۋ قالپىنا كەلتىرىلدى.

كونگو دەموكراتيالىق رەسپۋبليكاسى ۇكىمەتىنىڭ شەشىمىمەن سولتۇستىك كيۆۋدىڭ اكىمشىلىك ورتالىعى گومادان ۋاقىتشا بەني قالاسىنا كوشىرىلدى. ول گومادان سولتۇستىككە قاراي 244 شاقىرىم جەردە، ۋگاندا شەكاراسىنا تاياۋ ماڭدا ورنالاسقان.

وسىعان دەيىن وڭتۇستىك افريكاداعى ستيلفونتەين شاحتاسىنان 78 زاڭسىز كەنشىنىڭ دەنەسى تابىلعانى تۋرالى جازدىق.

سوڭعى جاڭالىقتار