ەكونوميكانىڭ «قىزىپ كەتۋ» بەلگىسى بايقالدى - تيمۋر سۇلەيمەنوۆ

استانا. قازاقپارات - 2024-جىلى ىشكى سۇرانىس ەكونوميكانىڭ وندىرىستىك مۇمكىندىكتەرىنەن اسىپ ءتۇستى. بۇل جايلى ۇلتتىق بانك باسشىسى تيمۋر سۇلەيمەنوۆ ايتتى.

Экономиканың «қызып кету» белгісі байқалды - Тимур Сүлейменов
Фото: Ұлттық банк

- 2024-جىلعى قىسقامەرزىمدى ەكونوميكالىق ينديكاتوردىڭ ءوسىمى تەز باياۋلاپ، %6,2 كە جەتتى. ىشكى سۇرانىس ەكونوميكانىڭ وسۋىنە سەبەپ بولعان نەگىزگى قوزعاۋشى كۇش بولىپ قالدى. الايدا ونىڭ قارقىنى ەكونوميكانىڭ وندىرىستىك مۇمكىندىكتەرىنەن اسىپ ءتۇستى. بۇل باعا قىسىمىن ارتتىراتىنداي قاۋىپ تۋدىرىپ، ەكونوميكانىڭ تىم «قىزىپ كەتۋ» بەلگىلەرىن كورسەتەدى، - دەدى ول.

سونداي-اق ۇ ب باسشىسى بەلسەندى فيسكالدىق ساياسات پەن تۇتىنۋشىلىق كرەديتتەۋ اياسىنىڭ كەڭەيۋى تۇتىنۋشى تاراپتى ىنتالاندىرىپ وتىرعانىن اتاپ ءوتتى.

- شيكىزاتقا جاتپايتىن سەكتورداعى ينۆەستيتسيالىق بەلسەندىلىك ىشكى سۇرانىستى قولداۋعا دا ۇلەس قوسىپ، ىسكەرلىك بەلسەندىلىكتى كۇشەيتتى. ۇلتتىق بانك قاداعالايتىن ىسكەرلىك بەلسەندىلىك يندەكسى 11 اي بويى وڭ ايماقتا ساقتالىپ كەلدى. بۇل كاسىپورىندار تاراپىنان ىسكەرلىك ورتانىڭ تۇراقتىلىعىنا سەنىم ارتقانىن بىلدىرەدى. 2024-جىلعى جەلتوقساندا يندەكس 50,7 ءنى قۇراپ، ىسكەرلىك بەلسەندىلىك ارتقانىن كورسەتتى. ەڭ ايقىن ءوسىم قۇرىلىس سالاسىندا بايقالادى، وعان جاڭا تاپسىرىستار مەن جۇمىسپەن قامتۋ دەڭگەيىنىڭ ارتۋى ىقپال ەتتى، - دەدى ول.

ايتا كەتەيىك، بۇعان دەيىن ۇلتتىق بانك بازالىق مولشەرلەمەگە قاتىستى مالىمدەمە جاسادى.

تيمۋر سۇلەيمەنوۆ نە سەبەپتى بازالىق مولشەرلەمەنى %15,25 دەڭگەيىندە ساقتاۋ تۋرالى شەشىم قابىلدانعانىن ءتۇسىندىردى.

سوڭعى جاڭالىقتار