كونگودا تاسقىن مەن كوشكىننەن 40 ادام مەرت بولدى

  كونگو دەموكراتيالىق رەسپۋبليكاسىنىڭ شىعىسىندا نوسەر جاڭبىر سۋ تاسقىنى مەن كوشكىنگە ۇلاسىپ، 40 ادام قازا تاپتى. Kazinform بۇل تۋرالى Reuters كە سىلتەمە جاساپ حابارلايدى.

رەسمي تۇلعالاردىڭ اقپاراتىنا سەنسەك، بۋكاۆۋ قالاسىندا كەمىندە 20 ادام جانە قالادان 50 شاقىرىم جەردەگى اۋىلدا تاعى 20 ادام قازا بولعان.

بۋكاۆۋ تۇرعىنى يۆونن مۋكۋپي كورشىسىن سۋ اعىزىپ اكەتكەنىن ايتتى.

- اعاش استىنان ءۇش ادامنىڭ ءمايىتىن تاپتىق، ازىرگە باسقالارى تابىلعان جوق، - دەدى ول.

ب ۇ ۇ كليمات ساراپشىلارىنىڭ پىكىرىنشە، قالانى جوسپارلاۋ ناشار جانە ينفراقۇرىلىم ءالسىز بولعاندىقتان مۇنداي قاۋىمدارعا جاھاندىق جىلىنۋعا بايلانىستى افريكادا جيىلەپ كەتكەن نوسەر جاڭبىر ءقاۋىپ توندىرەدى.

سونداي- اق سەيسەنبى كۇنى كونگو در پروۆينتسيالارىنىڭ بىرىندە نوسەر جاڭبىر سالدارىنان 22 ادام قايتىس بولدى.