كونگودا مايمىل شەشەگىمەن اۋىرعان 128 ادام ەمدەۋ ورتالىقتارىنان قاشىپ كەتتى
استانا. KAZINFORM - كونگو دەموكراتيالىق رەسپۋبليكاسىنىڭ (ك د ر) شىعىسىندا مايمىل شەشەگىمەن اۋىراتىن 130 عا جۋىق ناۋقاس ەل ارمياسىنىڭ M23 توبىمەن سوعىسۋىنا بايلانىستى ەمدەۋ ورتالىقتارىنان قاشىپ كەتتى.

بۇل تۋرالى Actualité حابارلادى، دەپ جازادى ر ي ا نوۆوستي.
- كارانتيندىك ورتالىقتاردان 128 ناۋقاس قاشىپ كەتتى، - دەلىنگەن حابارلامادا.
سولتۇستىك كيۆۋ پروۆينتسياسىندا M23 شابۋىلىنا بايلانىستى ءبىرقاتار پروبلەما بار، سونىڭ ىشىندە ءدارى-دارمەكپەن قامتاماسىز ەتۋ ۇزىلگەن، سۋ مەن ەلەكتر ەنەرگياسى جەتىسپەيدى.
ۆەدومستۆونىڭ مالىمەتىنشە، وتكەن اپتادا ك د ر- دا مايمىل شەشەگىنىڭ 2707 كۇدىكتى جاعدايى تىركەلگەن، ونىڭ ىشىندە 516 سى راستالىپ، ىندەتتەن 38 ادام قايتىس بولدى.
ايتا كەتەيىك، كونگو دەموكراتيالىق رەسپۋبليكاسىنىڭ شىعىسىنداعى سولتۇستىك كيۆۋ پروۆينتسياسىنىڭ استاناسى گوما قالاسىنا 26-قاڭتاردان بەرى «23-ناۋرىز قوزعالىسى» (M23) اتتى توپ جاقتاستارى كىرگەننەن بەرى قازا بولعاندار سانى 773 كە جەتكەنىن حابارلاعان ەدىك.
سونداي-اق كونگودا ەبولا ىندەتىنىڭ قايتا ءورشىپ كەتۋ قاۋپى بار.